Actualitats
Russia quita lo Conselh d’Euròpa
Acusa l’OTAN e l’UE d’abusar de lor majoritat per impausar lor vejaire. A causa d'aquel retirament, Russia quita tanben l’Acòrdi Europèu dels Dreches Umans
Tèxte legit
Russia a decidit de participar pas pus a las activitats del Conselh d’Euròpa, çò a anonciat lo Ministèri dels Afars Estrangièrs rus. Dins un comunicat, a justificat sa decision en assegurant que los païses de l’UE e de l’OTAN son ostils a Moscòu, a causa de las sancions economicas contra el e de l’ajuda militara a Ucraïna. Dins aquel sens, lo Ministèri dels Afars Estrangièrs considèra qu’aquela actitud implica la destruccion del Conselh d’Euròpa coma espaci umanitari e legal comun.
Tanben, segon la nòta que l'a publicada l’agéncia Interfax, Russia afirma que dins lo Conselh d’Euròpa los païses de l’UE e de l’OTAN abusan de lor majoritat per impausar lors vejaires. A causa d’aquel retirament del conselh, Russia quita tanben l’Acòrdi Europèu dels Dreches Umans. Fa qualques jorns, en seguida de l’invasion d’Ucraïna, los estats membres de l’organisme decidiguèron de ne suspendre Russia e Bielorussia.
“L’evolucion dels eveniments es irreversibla, e Russia a pas cap d’intencion de participar a las accions subversivas promogudas collectivament per l'Occident”, çò assegura lo ministèri, qu'apond que “Russia participarà pas als ensages de l’OTAN e l’UE que son a mand de convertir l’organizacion europèa mai anciana en un autre espaci ont se canta de mantras de supremacia occidentala e de narcissisme.”
Una relacion complicada
Russia jonguèt lo Conselh d’Euròpa en 1996, après la demanda de Boris Yeltsin, que considerava qu’aital progressava sus la transicion demoratica del país. Totun, la relacion entre Moscòu e l’organisme es pas jamai estada simpla. Abans d’èsser suspenduda lo 25 de febrièr passat, Russia aviá ja perdut sos dreches en 2001 a causa de la Segonda Guèrra de Chechenia, e en 2014 pr’amor de l’ocupacion e l’annexion de Crimèa.
Tanben, segon la nòta que l'a publicada l’agéncia Interfax, Russia afirma que dins lo Conselh d’Euròpa los païses de l’UE e de l’OTAN abusan de lor majoritat per impausar lors vejaires. A causa d’aquel retirament del conselh, Russia quita tanben l’Acòrdi Europèu dels Dreches Umans. Fa qualques jorns, en seguida de l’invasion d’Ucraïna, los estats membres de l’organisme decidiguèron de ne suspendre Russia e Bielorussia.
“L’evolucion dels eveniments es irreversibla, e Russia a pas cap d’intencion de participar a las accions subversivas promogudas collectivament per l'Occident”, çò assegura lo ministèri, qu'apond que “Russia participarà pas als ensages de l’OTAN e l’UE que son a mand de convertir l’organizacion europèa mai anciana en un autre espaci ont se canta de mantras de supremacia occidentala e de narcissisme.”
Una relacion complicada
Russia jonguèt lo Conselh d’Euròpa en 1996, après la demanda de Boris Yeltsin, que considerava qu’aital progressava sus la transicion demoratica del país. Totun, la relacion entre Moscòu e l’organisme es pas jamai estada simpla. Abans d’èsser suspenduda lo 25 de febrièr passat, Russia aviá ja perdut sos dreches en 2001 a causa de la Segonda Guèrra de Chechenia, e en 2014 pr’amor de l’ocupacion e l’annexion de Crimèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
imne dels Kirim Tatar : Ant Etkenmen ai jurat
https://www.youtube.com/watch?v=qo-7oEFiOY0
Oc ben
Que visquèsson los Tatars, Los peçeneks, los Kumans
https://upload.wikimedia.org/wikipedia/commons/6/66/State_of_Cuman-Kipchak_%2813.%29_tr.png
kumanlar tanben sonats Polovotses pels Rus
Daissatz dintrar dins vòstr'arma l'esperit de l'estep, que dierbon los tres mond
Poguèsse la Russia quitar tanben la Tèrra entièra, aquel Estat qu'arrèsta pas de parlar de Fraternitat (de pichons fraires mai que mai) ! E coma avèm plan vist dins la Revolucion Francesa, la Fraternitat es lo dret de tuar lo fraire que pensa pas coma vosautres.
Lo patriarca Kirill parla de "guerre santa" a prepaus de la guèrra contra l'Ucraïna. Per quina rason ? l'objectiu de la guèrra es de desrabar de l'Ucraïna la mentalitat occidentala que l'auriá abastardida. Sense parlar del costat inuman de la causa, es una contra-vertat istorica. Coma ai agut l'ocasion d'o dire, es l'Ucraïna qu'a gardat lo sistèma de valors (la mentalitat se volètz) de tota la 'Rus de Kyiv e la Russia que l'a perdut jos influéncia tatara. Dempuèi la fin de l'Edat Mejana, la Russia secrèta de tirans sadics e lo nom d'Ivan lo Tarrible es lo signe que la Russia èra dejà capabla de produire de Potins e d'Estalins. Es sa marca de fabrica, la produccion de tirans sadics e conquerents e coma se sap, òm coneis l'aubre a sos fruts. I a pas agut en França de Loís la Tarrible nimai en Anglatèrra de George lo Tarrible. Es l'esperit de somission, tipicament rus, mongòl o chinés, que crèa los tirans sadics, los Potins, los Qin Shi Huangs e los Tamerlans, non pas lo tiran que crèa l'esperit de somission. Un Potin al Reialme Unit seriá estat un pensionari dins un asil de fòls, pas un cap d'estat.
La Russia es una Ucraïna tatarizada e lo patriarca Kirill, que representa a l'estat caricatural una concepcion largament espandida en Russia, es benlèu un sant, mès es un ase. La guèrra actuala serà la seguida d'Holodomor, abans d'èsser la vassalizacion de l'Euròpa entièra
E aqui çai-jos un ligam que punta sus la potencia militari per cada país .
Es un powerindex que recampa 50 criteris lo PwrIndx.
Se pòt far comparason d'entre país eca...
https://www.globalfirepower.com/countries-listing.php
Lo somcim de Versailles (Fransa) es acabat. Es estat declarat a la conferencia de premsa :
Macron :
Ucraina aparten ben a la familha europenca.
-I aurà cap de procedura excepcionala per qu’Ucraina dintrèssa dins l’U.E
-Europa e Africa saràn destabilizadas per l’alimentari dins los 12-18 meses qu’avengan.
-Nos cal espepissar nòstra estrategia de produccion per assugurar nòstre independéncia alimentari, e tornar vèire nòstra estrategia cap a africa si que non n’en patiran tanben mai fortament dins los 12-18 meses
Ursula von der Leyen presidenta de l’estre :
-Sèm a alestir una quatrena rasclada de mesuras per isolar Russia.
Charles Michem president del conselh de l’estre :
-Lo somcim de versailles consagra la defensa europenca.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari