Actualitats
Cossí Russia explica als enfants l’invasion d’Ucraïna
Se difusa un filmet de dessenhs animats ont Ucraïna es senhalada e acusada
Tèxte legit
Los mèdias en Russia an pas pus drech d’emplegar lo mot “guèrra” mas devon dire “operacion militara” amb la tòca de “desnazificar” lo país en parlar de l’invasion d’Ucraïna. A mai, los enfants son tanplan destinataris de la propaganda del Kremlin. La Republica a sostitolat en italian un cortmetratge de dessenhs animats que se difusan en Russia per explicar lo conflicte.
Los protagonistas son dos dròlles apelats Vanya e Kolya que representan, respectivament, Russia e Ucraïna. Una contaira explica que los dos èran amics e partejavan lo meteis pupitre a l’escòla e que quitament Vanya defendiá totjorn Kolya car èra mens fòrt. Mas un jorn, Kolya decidiguèt d’anar dins una autra sala de classa e se faguèt d’amics, dont los Estats Units e Alemanha especialament.
Las marridas influéncias tresmudèron Kolya en una persona violenta que comencèt d’agarrir totòm amb un baston. Alavetz, Vanya li prenguèt lo baston e lo rompèt. Vaquí qu’a causa d’aquesta accion los nòus amics acusan Vanya d’aver agressat Kolya, mas Vanya es fièr de çò qu’a fach.
Lo filmet contunha en contar la version russa de l’istòria de las regions separatistas de Donbass. Ucraïna es senhalada e acusada dins lo vidèo, e Occident es acusat d’aver calat mentre qu’Ucraïna bombardava las republicas de Donetzk e Luhansk.
Los protagonistas son dos dròlles apelats Vanya e Kolya que representan, respectivament, Russia e Ucraïna. Una contaira explica que los dos èran amics e partejavan lo meteis pupitre a l’escòla e que quitament Vanya defendiá totjorn Kolya car èra mens fòrt. Mas un jorn, Kolya decidiguèt d’anar dins una autra sala de classa e se faguèt d’amics, dont los Estats Units e Alemanha especialament.
Las marridas influéncias tresmudèron Kolya en una persona violenta que comencèt d’agarrir totòm amb un baston. Alavetz, Vanya li prenguèt lo baston e lo rompèt. Vaquí qu’a causa d’aquesta accion los nòus amics acusan Vanya d’aver agressat Kolya, mas Vanya es fièr de çò qu’a fach.
Lo filmet contunha en contar la version russa de l’istòria de las regions separatistas de Donbass. Ucraïna es senhalada e acusada dins lo vidèo, e Occident es acusat d’aver calat mentre qu’Ucraïna bombardava las republicas de Donetzk e Luhansk.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solide qu'aquò es lo punt de vista rus.
Çò que truca es quan dison que Russia copa lo baston d'Ucraïna, sembla plan aimable coma gèste lavetz que son milions de civius que patissen devath bombas.
Putin parla de denazifiar l'Euròpe e l'|òm pensa còpsec a Angela Merkel.
Sos un aer de democrate, Merkel seria una neo-nazi, un nazi qu'auria abandonat l'idéia de far la guerra a tota la planeta mas que se seria infiltrat dins tots los governaments dau monde per far un sol estat neò-nazi. Quò se dich tanben en Occident e pas solament en Allemanha. Que pensar de Macron?
Apres 1945, la guerra freja eclatet; lo mur de Berlin se faguet, puei l'esbollheran. I a pus de mur mas i a totjorn una guerra entre l'Est e l'Oest. Putin se bat contre l'Otan e l'occident pas contre Ukraina.
Putin es benleu pas un brave tipe mas Angela Merkel, malgrat son petit nom, es pas un ange.
La Russia de Potin explica als enfants l'invasion d'Ucraïna coma l'Estat e l'intelligentsia francimands explican l'unilingüisme als enfants nòstres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari