Actualitats
Alexander Vindman: “Putin es pas fòl, lo risc que lance un atac nuclear es practicament nul”
L' analista reputat del conflicte d’Ucraïna assegura que Putin a de dificultats e crei que sos generals li demandaràn que cèrque una solucion diplomatica
Tèxte legit
Putin es pas un kamikaze baug e cal pas creire sos blufes, simplament se passa que l’invasion d’Ucraïna va pas brica coma el l’aviá prevista, çò assegura lo luòctenent-coronèl estatsunidenc Alexander Vindman. Vindman es un dels analistas mai reputats del conflicte d’Ucraïna als Estats Units. D’origina ucraïnesa, èra estat lo director dels afars europèus del Conselh de Seguretat de l’administracion de Donald Trump, mas Trump lo licencièt quand Vindman expliquèt cossí l’èx-president aviá quichat Volodimir Zelenski per que cerquèsse la bugada lorda de Joe Biden.
Ara, lo correspondent de la Television de Catalonha als Estats Units, Xesco Reverter, a parlat amb Vindman, qu’es un gran coneisseire de Putin, son regim e son armada. Segon Vindman, Putin “voliá lançar una guèrra liuç, prene lo contraròtle de las vilas, remplaçar lo govèrn e installar un regim mariòta e partir abans de patir cap de sancion o represalha, mas tot s’es debanat d’un biais fòrça diferent de çò qu'o pensava el”. Lo militar estatsunidenc o atribuís a una marrida planificacion e una inesperada resisténcia ucraïnesa fòrça motivada, e tanben a de problèmas logistics de l’armada russa.
Ara s’acarnassirà amb las vilas
Ara, Vindman trantalha pas per dire que Putin s’acarnassirà amb las vilas. Per el, l’armada russa “a pas pro de fòrças per environar las vilas, e mens encara per las conquistar. Totes los que son estats dins una armada coneisson la frasa que ditz: “Las vilas se manjan las armadas, las destruson”. Per tant, del mai long serà lo conflicte, del mai perilhós serà.
Vindman es convencut qu’un jorn los generals diràn a Putin que pòdon pas pus seguir aquela operacion, e li demandaràn que cèrque una solucion diplomatica. Pensa que se se manda d’armas a l’armada ucraïnesa, aquela situacion arribarà lèu. Mas cal soslinhar qu’el crei qu’es pas brica probable que l’armada se rebèlle contra Putin.
“Es pas un suicidari”
Quant a la question d’una eventuala tresena guèrra mondiala, evocada per Joe Biden, l’expèrt demanda a l'Occident de creire pas als blufes de Putin. “Es pas suicidari, i a pas res qu’indique que se compòrte coma un suicidari o que siá baug. Solament se mòu per d’autres paramètres. E lo risc que lance un atac nuclear es practicament nul, perque sap qu'implica la destruccion mutuala assegurada.”
Ara, lo correspondent de la Television de Catalonha als Estats Units, Xesco Reverter, a parlat amb Vindman, qu’es un gran coneisseire de Putin, son regim e son armada. Segon Vindman, Putin “voliá lançar una guèrra liuç, prene lo contraròtle de las vilas, remplaçar lo govèrn e installar un regim mariòta e partir abans de patir cap de sancion o represalha, mas tot s’es debanat d’un biais fòrça diferent de çò qu'o pensava el”. Lo militar estatsunidenc o atribuís a una marrida planificacion e una inesperada resisténcia ucraïnesa fòrça motivada, e tanben a de problèmas logistics de l’armada russa.
Ara s’acarnassirà amb las vilas
Ara, Vindman trantalha pas per dire que Putin s’acarnassirà amb las vilas. Per el, l’armada russa “a pas pro de fòrças per environar las vilas, e mens encara per las conquistar. Totes los que son estats dins una armada coneisson la frasa que ditz: “Las vilas se manjan las armadas, las destruson”. Per tant, del mai long serà lo conflicte, del mai perilhós serà.
Vindman es convencut qu’un jorn los generals diràn a Putin que pòdon pas pus seguir aquela operacion, e li demandaràn que cèrque una solucion diplomatica. Pensa que se se manda d’armas a l’armada ucraïnesa, aquela situacion arribarà lèu. Mas cal soslinhar qu’el crei qu’es pas brica probable que l’armada se rebèlle contra Putin.
“Es pas un suicidari”
Quant a la question d’una eventuala tresena guèrra mondiala, evocada per Joe Biden, l’expèrt demanda a l'Occident de creire pas als blufes de Putin. “Es pas suicidari, i a pas res qu’indique que se compòrte coma un suicidari o que siá baug. Solament se mòu per d’autres paramètres. E lo risc que lance un atac nuclear es practicament nul, perque sap qu'implica la destruccion mutuala assegurada.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Aquels analistas reputats venián pas dels Estats-Units !
Primièrament, cal aver las idèas claras, siquenon res non fonciona. Dins la guèrra, i a un país que s'es comportat coma nòstre enemic, que o pròva en totas ocasions e un autre que nos sembla, que pensa que nos sembla e per una infinitat de rasons, mai que mai ligadas a son sistèma de valors, se considèra e se compòrta coma nòstre amic. Un còp la situacion esclarzida, la question es totjorn : que cal far e cossi ?
Ara, en politica exteriora, çò que compta es sovent la gestion dels risques. En 1936, la França daissèt tornar militarizar la Renania, en 38 e 39, daissèt trocejar son amic (e aliat) tchecoslovac. Perqué ? perqué i aviá un risque de guèrra, que la guèrra precedenta èra una atrocitat e en mai d'aquò que se fasiam la guèrra, èrem pas segurs de la ganhar. A la fin de la fin, nòstre enemic èra demorat nòstre enemic, èra vengut pus fòrt, aviam perdut nòstres amics, agèrem la guèrra e la perdèrem, seriá estat definitiu se l'Axe aviá pas perdut lo cap (Barbarossa, Pearl Harbor). Çaquelà, digun es segur que son enemic perdrà totjorn lo cap.
Transposem : per riscar pas una guèrra nucleara, en 2014, daissèrem far las agressions de 2014 e ara avèm un enemic pus fòrt, pus prestigiós e... encara mai perilhós. Los Estats-Units an decidit de se n'ocupar pas, lo pes de la decision repausa donc suls païses d'Euròpa e sus la Turquia (mès es pas la Turquia que cor lo mai de risques). Perqué Potin a atacat l'Ucraïna ? perqué fa fisança a nòstres páurs. E se contunham d'aver páur, ont s'arrestarà ? a la linha Oder-Neisse ? a Gibraltar ?
Conclusion : dins lo cas d'una participacion a la guèrra, lo risque es enòrme. Mès l'autor a rason : Potin lançarà pas de bombas atomicas perqué lo perilh per la Russia es segur (a la diferéncia de l'agression contra l'Ucraïna, ont podiá pensar que lo perilh èra, d'un costat pas segur e de l'autre limitat). Mès se contunham a participar pas, i a dos risques : lo primièr es la disparicion d'un amic important, lo segond es nòstra vassalizacion. Del costat d'aquel darrèr risque, l'ajuda dels Estats-Units es probabla (ajuda-te, l'OTAN t'ajudarà) , mès pòt èsser limitada se la China aluca un segond front. Aquí...
En 36 èra lo comunisme ; ara es la bomba atomica. Coma en 36 volguèron pas veure la seguida de la guèrra d'Espanha, ara son pas mai coratjoses e refusan de veire la que se prepara se s'ajuda pas Ucraïna a arrestar Potin.
#4 Bof! Bastèsse de tirar los "boèfs" per bastir Occitania!
#3
Es en causa dels "Boèfs" qu'avèm pas jamai bastida Occitània !
Levat aquò se troba totjorn d'especialistats sinomnats per contradiser d'autres especialitas sinomnats tanben e meteis causa ambe lo sespecialistes reconeiguts.
Benlèu una causa segura sèm de crezerèls de primièra borra .
un còp d'esmoguda, tres lagremas, tot estropat e atal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari