capçalera campanha

Actualitats

InternacionalPoliticaSocietat

Corsega: manifestacion de massa per exigir la vertat sus l’agression d’Yvan Colonna

La manifestacion s’acabèt amb d’incidents quand un grop de manifestants lancèt de coctèls Molotov sus la prefectura de l'estat francés

Tèxte legit

De milièrs de personas manifestèron dimenge per las carrièras de Bastia, en Corsega, per protestar contra la temptativa d’assassinat del presonièr politic independentista Yvan Colonna dins la preson d’Arle. Una setmana après l’atac, los manifestants mostrèron tornarmai lor indignacion envèrs l’estat francés, que l’acusan d’assassinat. Aital se tornava legir sus la bandeiròla qu’era en cap del cortègi: “Statu francese assassinu”. Colonna es encara dins lo còma.
 
La manifestacion èra estada convocada pel collectiu sobeiranista còrs, format per los quatre partits sobeiranistas, los sindicats d’estudiants, totas las associacions de presonièrs, los sindicats, l’Universitat de Corsega e d’autras entitats. En aquela marcha s’es reclamat la liberacion dels presonièrs politics còrses, la vertat sus la temptativa d’assassinat de Colonna e la reconeissença del pòble còrs. Los organizaires de la protèsta demandan tanben la dobertura d’un procès de negociacion publica orientat devèrs una solucion politica integrala per la question còrsa.
 
 
De susmautas
 
La manifestacion, que comencèt a 15h00, partiguèt del Palais de justícia e s’acabèt a la prefectura de l’estat francés. A la fin del percors, la protèsta derivèt en incidents, quand un grop d’aperaquí cinquanta manifestants lancèt de coctèls Molotov e d’autres objèctes sus la bastissa e sus la linha policièra. La polícia i respondèt amb de cargas e de gases lacimogèns. De fach, abans la marcha, lo procuraire de Bastia, Arnaud Viornery, aviá dich qu’avián trobat environ 300 coctèls Molotov esconduts dins d’espacis publics de la vila.
 
Pus tard, los incidents arribèron a la direccion departamentala de las finanças publicas. Los manifestants getèron d’objèctes contra l’edifici e l’incendièron. Los pompièrs lèu neutralizèron lo fuòc.
 
 
 
 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Delbòsc
3.

La sola causa segura es qu'es un crime musulman, coma n'avèm en quantitat dempuèi 1995 (e abans...). Probable es que i agèt tanben una manca de survelhança, mès es un pauc colha de dire qu'èra volontari.

  • 1
  • 10
Pitaluga
2.

Pòdon totjorn demandar (e cal demandar !), mas se trucaràn sus l'omertà a la francesa.
Mentretant, sus las cadenas de contunh (Cnews per exemple) te dison, franc de descofratge, que lo Colonna a pas a se plànher, que, i aguèsse encara la pena de mòrt, li aurián copat lo còl.

  • 7
  • 0

Escriu un comentari sus aqueste article