Lo 9 de genièr de 2020, una joventa de 17 ans defuntèt a Charleroi, en Valonia, victima d’una sindròme dicha de “chòc toxic”, una infeccion que seriá estada favorizada per l’utilizacion d’un tampon igienic. Sa maire, Laurence, entamenèt una campanha sonada “per que lo decès de Maëlle ne pòsca evitar d’autres”. En seguida d’aquela crida, Amandine Hache e Andréa Martin, estudiantas en licéncia 3 d’occitan a Montpelhièr, an mandat un article a la redaccion de Jornalet.
 

Èstre una femna
 
 
Avèm enveja de parlar d’un subjècte qu’es important per cada femna de la societat actuala: las proteccions igienicas. De 100 a 150 quilos es la quantitat mejana de tampons, servietas e aplicadors getats per persona reglada long de sa vida.
 
 
Lo risc de chòc toxic
 
Dempuèi qualques annadas, lo nombre de chòcs toxics recensats en França a aumentat e passèt de 5 en 2004 a 22 en 2014. Dins aquel sens, volèm tornar sus l’afar qu’a fach lo torn dels malhums socials e pas sonque aquò, l’istòria de Maëlle que moriguèt lo 9 de genièr de 2020 per causa d’un tampon.
 
La joventa foguèt espitalizada per causa de fèbre e de vomida, çò que d’en primièr foguèt percebut coma una gastroenteriti. Es sonque après son admission en suènhs intensius que li diagnostiquèron un chòc per causa d’un tampon portat tròp longtemps.
 
 
L’impacte sus la planeta
 
Determinar la quantitat de rebrecs plastics ligats a las proteccions igienicas es complicat perque los consideram coma de corum medical. Mas lo nombre de produches fabricats es espantant: per exemple, sonque en 2018, als Estats Units se crompèt 5,8 miliards de tampons.
 
Pendent sa vida, cada femna utiliza mai o mens entre 5000 et 15 000 proteccions igienicas, quinas que sián.
 
Per evitar aquela pollucion massissa es important de conéisser las alternativas coma las copas menstrualas, las braietas menstrualas e las servietas lavablas.
 
 
 
 
Amandine Hache e Andréa Martin

 
 
 

 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…