Actualitats
Marcilhac: un filme per festejar los 10 ans de bilingüisme a l’escòla Joan Ausèl
Lo filme, tot en occitan, l’an escenarizat en classa e realizat los enfants de CM1-CM2 amb lo concors d'Amic Bedèl e de Jolian Campredon
Tèxte legit
Los enfants de CM1-CM2 de l’escòla publica Joan Ausèl de Marcilhac (Valon de Marcilhac) an escrich e realizat un filme menat a bon tèrme amb l’ajuda d’Olivier Daillut, Amic Bedel e Julian Campredon, e amb lo concors de l’ensemble dels personals de l’escòla. S’agís d’un cortmetratge de 7 minutas dins lo qual, amb fòrça umor, un novèl jove director plan popular presenta l’ensenhament bilingüe de l’escòla. Lo filme es estat finançat per la region per mejan del dispositiu Pec-Co.
L’ensenhaire Olivièr Daillut a raportat a la redaccion de Jornalet cossí s’efectuèt lo projècte.
Dètz ans de bilingüisme a l’escòla
Lo filme es tanben un biais de festejar los 10 ans de bilingüisme a l’escòla publica Joan Ausèl de Marcilhac que compta ara un 60% d’enfants bilingües.
L’ensenhaire Olivièr Daillut a raportat a la redaccion de Jornalet cossí s’efectuèt lo projècte.
“Cada classa de l’escòla, tan bilingua coma monolingua, aviá preparat de cants, de poesias, etc., en totplen de lengas en s’apiejant mai que mai sus las qu’èran presentas dins lor environament escolar e fòra escòla coma l’occitan, lo castelhan, los creòls, lo portugués, l’anglés, l’arabi, lo rus, la lenga dels signes... L’objectiu èra de mostrar coma lo bilingüisme escolar s’inscriviá dins una realitat multilingüa e ajudava, a partir de la lenga del país, a descobrir la diversitat lingüistica e culturala umana.”
Dètz ans de bilingüisme a l’escòla
Lo filme es tanben un biais de festejar los 10 ans de bilingüisme a l’escòla publica Joan Ausèl de Marcilhac que compta ara un 60% d’enfants bilingües.
“Aqueste pichon film es una capitada perque mòstra una lenga occitana viva, dins son environament, e qu’entend de servar sa plaça dins lo concèrt multilingüe mondial. Lo biais del scenarista Jolian Campredon e del realizaire Amic Bedel amb son esquipa balha a l’ensemble una eficacitat de las bonas”, çò explica Daillut.
| fffff | fffff | |
| Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor… | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari