Actualitats
Biàrritz: an ocupat l’ostal de luxe de l’èx-gendre de Putin
Los activistas volián preparar lo sit per aculhir de refugiats ucraïneses. Los an arrestats e plaçats en gàrdia a vista “per violacion de domicili”
Tèxte legit
An dobèrt contra eles una enquista per violacion de domicili”. Pasmens, “pensavan pas d’enfrànher la lei”, çò precisa a Libération Vladimir Osechkin, president de la New Dissidents Foundation, creada en 2021 per de refugiats politics russes en Bas Ador. “Pensavan totes tres qu’aquel ostal èra jol còp de las sancions contra Russia e que lo proprietari aviá pas pus de drech”, çò assolida. La tòca èra clara: “Vesitar lo sit e lo preparar per poder aculhir de refugiats ucraïneses”.
La primièra esposa de Vladimir Putin, Lyudmila Putina, e son segond marit, Artur Ocheretni, an tanben un ostal de luxe a Anglet. Dins los primièrs jorns de l’invasion d’Ucraïna i apareguèron de tags contra Putin e en favor d’Ucraïna.
A Londres
Tanben al centre de Londres son intrats dins l’ostalàs de l’oligarca rus Oleg Derispaska. Un grop d’activistas ocupèron lo sit diluns coma accion de protèsta contra la guèrra.
Sus la faciada de l’ostal, pengèron de bandièras ucraïnesas e d’afichas amb de messatges coma “aquesta proprietat es estada liberada”, e butèron los passejaires a jónher la protèsta. L’edifici se tròba sus l’exclusiva Plaça Belgravia, près de divèrsas ambaissadas estrangièras, dins un dels quartièrs mai cars de la capitala anglesa.
An activist broke into a villa in Biarritz (France) that allegedly belongs to Vladimir Putin's daughter Katerina Tikhonova. He changed the locks and invited Ukrainian refugees to take shelter there. The villa has 8 bedrooms and 3 bathrooms.
— The New Voice of Ukraine (@NewVoiceUkraine) March 14, 2022
Photos: Insider pic.twitter.com/VpufhegXG3
“Aquesta propietat ha estat alliberada”, activistes britànics han ocupa la casa de l’oligarca rus Oleg Deripaska, molt vinculat a Putin. “La casa ha de ser pels refugiats ucraïnesos”. Ja hi ha hagut 5 detencions.https://t.co/oXgWvh9GGepic.twitter.com/MEzyrTo59n
— Coia Ballesté Brumós (@CoiaBalleste) March 14, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vertat es que s'èra un paure vièlh qu'aviá son ostal "esquatat" per de "migrants" (coma dison...), i auriá pas agut de problèmas de legalitat. Sancions...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari