Actualitats
Corsega: l’estat francés es en disposicion “d’arribar fins a l’autonomia”
A mai, Darmanin reconeis “la responsabilitat de l’estat” dins la temptativa d’assassinat d’Yvan Colonna
Tèxte legit
Lo ministre de l’Interior francés, Gérald Darmanin, a assegurat a Corse-Matin, que l’estat francés es en disposicion “d’arribar fins a l’autonomia” en cas qu’Emmanuel Macron siá reelegit president a l’eleccion presidenciala qu’arriba. S’aquel cas a luòc, Darmanin a precisat que se concretizarà “çò qu’es l’autonomia”.
En mai d’aquò, dins la mateissa entrevista facha per Corse-Matin, Darmanin reconeis “la responsabilitat de l’estat” dins la temptativa d’assassinat d’Yvan Colonna. “I a una responsabilitat de l’estat coma protector qu’es de las personas que son jos sa responsabilitat, en aqueste cas los presonièrs”. Dins la preson d’Arle, Colonna aviá l’estatut de detengut particularament senhalat, çò que vòl dire que sos movements èran totjorn seguits per las camèras de seguretat. Per tant, es complicat de comprene cossí un presonièr jihadista poguèt ensajar de lo tuar.
L’autonomia es una revendicacion istorica del corsisme mas es lo primèr còp que l’estat francés accèpta de ne parlar. Los candidats de l’extrèma drecha a la presidenciala coma Marine Le Pen e Éric Zemmour critican fòrça que se parle d’autonomia amb Corsega, e acusan Macron d’aver cedit a la violéncia.
Mas la crisi politica en Corsega a pas cap de precedent. Lo sobeiranisme quitèt d’èsser devesit amb la fin de la lucha armada en 2014 e l’acòrdi politic entre autonomistas e independentistas, e ganhèt per majoritat absoluda las darrièras doas eleccions a l’Assemblada de Corsega. Totun, fàcia a la draia democratica, París a totjorn refusat de parlar amb Corsega d’autonomia e de cooficialitat de la lenga.
La temptativa d’assassinat de Colonna es venguda la gota d’aiga qu’a fach desbordar lo vas. Segon un sondatge de Corse-Matin, lo 67% dels còrses es indignat e l’86% considèra l’estat francés responsable de l’atemptat a Colonna.
Cal prene en compte qu’Yvan Colonna es un simbòl del sobeiranisme còrs, mai que mai pr’amor qu’a totjorn revendicada son innocéncia, pr’amor que i a d’ombras dins son procès e pr’amor que visquèt quatre ans amagat dins las montanhas de l’illa.
De fach, Le Canard Enchainé assegurava que Macron e lo sobeiranisme còrs negociavan, abans la temptativa d’assassinat, lo desplaçament dels presonièrs politics en Corsega e una autonomia per l’illa, mas que de sectors mai centralistas aurián provocat l’agression de Colonna per que la negociacion capitèsse mal.
En mai d’aquò, dins la mateissa entrevista facha per Corse-Matin, Darmanin reconeis “la responsabilitat de l’estat” dins la temptativa d’assassinat d’Yvan Colonna. “I a una responsabilitat de l’estat coma protector qu’es de las personas que son jos sa responsabilitat, en aqueste cas los presonièrs”. Dins la preson d’Arle, Colonna aviá l’estatut de detengut particularament senhalat, çò que vòl dire que sos movements èran totjorn seguits per las camèras de seguretat. Per tant, es complicat de comprene cossí un presonièr jihadista poguèt ensajar de lo tuar.
L’autonomia es una revendicacion istorica del corsisme mas es lo primèr còp que l’estat francés accèpta de ne parlar. Los candidats de l’extrèma drecha a la presidenciala coma Marine Le Pen e Éric Zemmour critican fòrça que se parle d’autonomia amb Corsega, e acusan Macron d’aver cedit a la violéncia.
Mas la crisi politica en Corsega a pas cap de precedent. Lo sobeiranisme quitèt d’èsser devesit amb la fin de la lucha armada en 2014 e l’acòrdi politic entre autonomistas e independentistas, e ganhèt per majoritat absoluda las darrièras doas eleccions a l’Assemblada de Corsega. Totun, fàcia a la draia democratica, París a totjorn refusat de parlar amb Corsega d’autonomia e de cooficialitat de la lenga.
La temptativa d’assassinat de Colonna es venguda la gota d’aiga qu’a fach desbordar lo vas. Segon un sondatge de Corse-Matin, lo 67% dels còrses es indignat e l’86% considèra l’estat francés responsable de l’atemptat a Colonna.
Cal prene en compte qu’Yvan Colonna es un simbòl del sobeiranisme còrs, mai que mai pr’amor qu’a totjorn revendicada son innocéncia, pr’amor que i a d’ombras dins son procès e pr’amor que visquèt quatre ans amagat dins las montanhas de l’illa.
De fach, Le Canard Enchainé assegurava que Macron e lo sobeiranisme còrs negociavan, abans la temptativa d’assassinat, lo desplaçament dels presonièrs politics en Corsega e una autonomia per l’illa, mas que de sectors mai centralistas aurián provocat l’agression de Colonna per que la negociacion capitèsse mal.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Cambarada, encara quant de temps abans lo cabanon ?
#1 sès patetic.... quora te vas tàiser ???
Pensatz coma l'estat de Macron vòl accordar l'autonomia a la Còrsa. Vòl tot simplament vendre Corsa a de las multinacionalas.. Aitau quò ;sera pus un problem per i installar daus laboratoris bacteriologicas perqué fau remplaçar los laboratoris esbolhats en Ukkraina per l'armada russe. Mesfiatz-vos dau traquenard.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari