Iniciativa originala del Collectiu Ciutadans en Corbièras per protestar contra lo projècte d’espandiment d’una peirièra en Val de Danha. S’inspiran del conte tradicional de la Sopa de calhau per organizar una manifestacion aqueste dissabte 2 de març a Arquetas del Val (Corbièras).
De matin, se metrà al fons d’un pairòl bèl un codolet e cadun menarà sa contribucion per la sopa (patanas, carròtas, pòrres, caulets, mendilhs, laurèl, frigola, codenas, lard e ventresca,…). E zo! lo pairòl sus un brave fuòc de lenha!
A 5 oras del vèspre, dins lo fogal del vilatge, se farà una discutuda sul tèma: Ben comun e agro-torisme. Se passarà puèi a una lectura del conte e a l’aperitiu animat per Mans de Breish (que viu a Serviès del Val, comuna tocada pel projècte).
Enfins, vendrà l’ora de la sopa, abans un balèti. Se poirà, de segur, faire chabròt amb un vin de Corbièras! Contact: +33 (0)6 43 38 43 75
Alan Roch
De matin, se metrà al fons d’un pairòl bèl un codolet e cadun menarà sa contribucion per la sopa (patanas, carròtas, pòrres, caulets, mendilhs, laurèl, frigola, codenas, lard e ventresca,…). E zo! lo pairòl sus un brave fuòc de lenha!
A 5 oras del vèspre, dins lo fogal del vilatge, se farà una discutuda sul tèma: Ben comun e agro-torisme. Se passarà puèi a una lectura del conte e a l’aperitiu animat per Mans de Breish (que viu a Serviès del Val, comuna tocada pel projècte).
Enfins, vendrà l’ora de la sopa, abans un balèti. Se poirà, de segur, faire chabròt amb un vin de Corbièras! Contact: +33 (0)6 43 38 43 75
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari