Lo sit d’informacions ucraïnés Hromadske a denonciat que la jornalista Victoria Roshchina es desapareguda. La detenguèron las tropas russas mentre que trabalhava dins la region de Berdiansk. “Assabentava suls ponches pus cauds dins l’èst e dins lo sud d’Ucraïna dempuèi lo començament de la guèrra. Lo 12 de març, perdèrem lo contacte amb ela”, çò ditz la còla d’Hromadske dins una seguida de tweets.
 
Lo sit explica que lo 16 de març saupèt que Roshchina èra detenguda pels servicis d’intelligéncia russes. Segon qualques testimònis, la jornalista èra a Berdiansk abans sa detencion, e Hromadske assegura qu’a l’ora d’ara sap pas ont es;  fan“una crida a Ucraïna e a la comunautat internacionala per que [los] ajuden a trobar Victoria Roshchina, jornalista de Hromadske”. 

 

Our journalist Victoria Roshchyna is held captive by the Russian occupiers. She was reporting from hotspots in Eastern and Southern Ukraine since the beginning of the Russian-Ukrainian war. On March 12, we couldn't contact Victoria 1/3 pic.twitter.com/4728hwDs72

— Hromadske Int. (@Hromadske) March 18, 2022