Actualitats
Sanch Amàs: Zero Waste France a fach sa denóncia après l'enòrme incendi d’un sit de triatge de degalhs
Acusan Recyclage Concept 13 d’aver amolonat lo curum sens far cap de triatge. La pollucion de la zòna arriba als nivèls de Pequin
Tèxte legit
Zero Waste France ven de far sa denóncia contra la societat Recyclage Concept 13, que gerís lo centre de triatge de Sanch Amàs (País Marselhés) per l’incendi que lo patiguèt aquel sit lo 26 de decembre passat, çò rapòrta Reporterre.
Segon l’associacion denonciaire, Recyclage Concept 13 auriá pas efectuat pas cap d’operacion de triatge dels degalhs que recebiá mas los acumulava dins lo magazin que se cremèt. A mai, auriá amolonat entre 20 e 30 còps mai de curum que çò que li èra permés e res atestava pas la non-perilhositat dels degalhs comolats.
En abril de 2021, uèch meses abans l’incendi, lo cònsol màger de Sanch Amàs aviá ja senhalat lo sit a las autoritats estatalas. L’inspeccion arribèt en auton e, lo 14 de decembre de 2021, la prefectura enjonguèt la societat d’evacuar los “volums de curum excedentari” per “limitar lo risc d’incendi”. L’incendi arribèt al cap de 12 jorns.
Las consequéncias environamentalas de l’incendi perduran. Segon Zero Waste France, “L’accident a constituit una contaminacion nefasta per la qualitat de l’aire, la qualitat de l’aiga e la biodiversitat a l’entorn, a causa de las emissions de particulas finas e dels produches quimics rebutats”. Reporterre apond que i a agut de pics de contaminacion qu’an atench los nivèls de Pequin, una de las vilas mai polluidas de la planeta.
Segon l’associacion denonciaire, Recyclage Concept 13 auriá pas efectuat pas cap d’operacion de triatge dels degalhs que recebiá mas los acumulava dins lo magazin que se cremèt. A mai, auriá amolonat entre 20 e 30 còps mai de curum que çò que li èra permés e res atestava pas la non-perilhositat dels degalhs comolats.
En abril de 2021, uèch meses abans l’incendi, lo cònsol màger de Sanch Amàs aviá ja senhalat lo sit a las autoritats estatalas. L’inspeccion arribèt en auton e, lo 14 de decembre de 2021, la prefectura enjonguèt la societat d’evacuar los “volums de curum excedentari” per “limitar lo risc d’incendi”. L’incendi arribèt al cap de 12 jorns.
Las consequéncias environamentalas de l’incendi perduran. Segon Zero Waste France, “L’accident a constituit una contaminacion nefasta per la qualitat de l’aire, la qualitat de l’aiga e la biodiversitat a l’entorn, a causa de las emissions de particulas finas e dels produches quimics rebutats”. Reporterre apond que i a agut de pics de contaminacion qu’an atench los nivèls de Pequin, una de las vilas mai polluidas de la planeta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A ieu m'es arribat de trapar la degalhariá barrada amb un emplegat que me diguèt qu'èra plena e qu'esperavan que venguèsson quèrre los degalhs.
Tot lo discors sus la triada es d'enfumatge per culpabilizar lo ciutadan mentre que lo problèma se sitúa en amont, al nivèl dels fabricants e dels transportaires que nos inondan de productes chineses que se trencan al cap de paucas utilizacions sens comptar los embalatges que ne sabèm pas de qué ne far. Nos tarabustatn amb l'economia del papièr del temps que s'amolonan los cartons qu'es pas de creire. Sens comptar que la famosa desmaterializacion es a far explosar lo consum d'electricitat.
Sembla que l'umanitat , per mai que prenga de tanadas coma lo Covid o la guèrra d'Ucraïna, vòl pas res comprene coma un diago capriciós. Cal dire que los mèdias de la plotocracia fan tot çò que cal per qu'i aja la presa de consciència mai inoperanta.
#2 I a tres comunas Sench Eli:
https://oc.wikipedia.org/wiki/Sanch_Eli_d%27Apchi%C3%A8r
https://oc.wikipedia.org/wiki/Sanch_%C3%88li_d%27Aubrac
https://oc.wikipedia.org/wiki/Sench_%C3%88li
E tres Sench Amanç:
https://oc.wikipedia.org/wiki/Sanch_Am%C3%A0s
https://oc.wikipedia.org/wiki/Sench_Amand_(Corresa)
https://oc.wikipedia.org/wiki/Sanch_Aman%C3%A7_(Cantal)
Saint-Chamàs e Saint-Chély d'Apcher
Son dus exemples de marrida francizacion toponimica.
Sanct(u) Amàntiu e Sanct(u) Hilàriu
> Sanch Amanç e Sanch Elèir
> Sanch Amà[ç] (?) e Sanch Éli[r] (?)
Aquò es una des-segmentacion non conforma a l'etimologia.
Sanch Amanç es una comuna dau Lemosin me sembli, encò de nòstre se dich puslèu Sanch Amàs (attestat de l’Edat mejana) ò pus recentament Sant Chamàs…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari