Actualitats
Lo Partit Nacional Frison obten un resultat istoric a las eleccions municipalas neerlandesas
La formacion federalista supèra lo 12% dels vòtes e ganha dins tres comunas
Tèxte legit
Lo Partit Nacional Frison (FNP) a atench lo nombre pus naut de vòtes de son istòria dins una eleccion municipala: 36 000, environ 10 000 de mai qu’a l’eleccion de 2019. Lo resultat lo tresmuda en lo tresen partit de Frisa per nombre de vòtes, amb mai del 12% del total de la província.
Amb lo resultat obtengut a l’eleccion del 18 de març, lo partit a 49 conselhièrs municipals, 10 de mai qu’a las eleccions de fa quatre ans. Dins la capitala de Frisa, Ljouwert, l’FNP passa de dos a quatre conselhièrs (l’11% dels vòtes; lo 6% fa quatre ans), e dins tres comunas ven la primièra fòrça (Noardeast-Fryslân, Tytsjerksteradiel e De Fryske Marren).
L’FNP reclama mai autonomia per Frisa dins de Païses Basses venguts un estat federal.
La pojada de l’FNP a luòc dins l’encastre d’una creissença generalizada de partits locals e regionals dins aquelas eleccions municipalas. Dins la província vesina de Groninga, lo Partit pel Nòrd (PvhN) a capitat a intrar dins la comuna de la capitala omonima amb dos conselhièrs (lo 4% dels vòtes).
Lo PvhN reclama l’autonomia de las tres províncias del nòrd dels Païses Basses (Frisa, Groninga e Drenta) amb un parlament conjonch.
Aquesta nòva es adaptada de Nationalia amb qui Jornalet ten un acòrdi de cooperacion.
Amb lo resultat obtengut a l’eleccion del 18 de març, lo partit a 49 conselhièrs municipals, 10 de mai qu’a las eleccions de fa quatre ans. Dins la capitala de Frisa, Ljouwert, l’FNP passa de dos a quatre conselhièrs (l’11% dels vòtes; lo 6% fa quatre ans), e dins tres comunas ven la primièra fòrça (Noardeast-Fryslân, Tytsjerksteradiel e De Fryske Marren).
L’FNP reclama mai autonomia per Frisa dins de Païses Basses venguts un estat federal.
La pojada de l’FNP a luòc dins l’encastre d’una creissença generalizada de partits locals e regionals dins aquelas eleccions municipalas. Dins la província vesina de Groninga, lo Partit pel Nòrd (PvhN) a capitat a intrar dins la comuna de la capitala omonima amb dos conselhièrs (lo 4% dels vòtes).
Lo PvhN reclama l’autonomia de las tres províncias del nòrd dels Païses Basses (Frisa, Groninga e Drenta) amb un parlament conjonch.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari