La polícia nacionala francesa a installada una camèra militara per espionar de militants ecologistas, çò reconeguèt dimècres passat la prefectura del departament de las Doas Sèvres (lés Deùs Saevres, en peitavin-santongés). Dins un comunicat de premsa adreiçat diluns passat a la redaccion de Le Courrier de l’Ouest, la prefectura reconeis que lo dispositiu de susvelhança descobèrt près de l’ostal del paire de Christian Le Guet, pòrtavotz del collectiu “Bassines, non merci!” (BNM), es plaçat jos l’òrdre del Ministèri de l’interior. “Aquel dispositiu, pausat dins l'estricte respècte de l’encastre legal, es vengut necessari per l'implicacion del collectiu BNM dins l'organizacion de manifestacions qu’an congreats de grèus trebolums de l'òrdre public aquestes darrièrs meses dins lo departament de las Doas Sèvres e dins los departaments vesins”, çò ditz lo comunicat.
 
Lo domicili espionat aculhís regularament de reünions del collectiu BNM. Sèm estats espionats”, çò rapòrta Le Guet a Reporterre. “Aquò pausa la question de la libertat d’expression, de la libertat de se reünir e de s’organizar”, çò precisa.
 
Lo collectiu BNM s'opausa dempuèi fòrça annadas al projècte de collectar e de concentrar l’aiga del palun màger de l’oèst d’Euròpa sus 16 grandas sèrvas d’aiga.
 
Aqueste projècte es portat per la cambra d’agricultura del departament e lo grand sindicat agricòla FNSEA. Pasmens, es un projècte contestat per la Confederacion Païsana e d’associacions environamentalistas pel damatge ecologic del palun e tanben perque beneficiariá sonque als grands agricultors mas non pas als petits ortalièrs del país.
 
Un grand recampament d’oposicion se tendrà aquesta dimenjada.
 
 
 
 
Gael Breysse/Redaccion


 

#niort Devant la préfecture des Deux-Sèvres, sont rassemblées une cinquantaine de personnes, militants anti-bassines, dont Christian Le Guet qui a annoncé son intention de déposer plainte après qu'un dispositif de surveillance a été découvert devant chez lui. pic.twitter.com/qR5vsvDChP

— La NR Niort (@NRNiort) March 22, 2022

 

La préfecture des Deux-Sèvres reconnait que la caméra découverte à proximité de l’habitation du père du leader du collectif «Bassines, non merci !», pour espionner des militants écologistes, a été posée par la Police nationale https://t.co/bnZTSFblRC

— Pierre Januel (@PJanuel) March 23, 2022

 

DES CAMERAS CACHÉES POUR ESPIONNER LES MOUVEMENTS ÉCOLOGISTES

Dans les Deux-Sèvres, près de Niort, une mobilisation monte en puissance contre les «méga-bassines», des lacs artificiels destinés à irriguer les grosses exploitations d'agriculture intensive. pic.twitter.com/edC0iQ766r

— Nantes Révoltée (@Nantes_Revoltee) March 19, 2022

 

En Deux-Sèvres, la maison du père du leader des anti-bassines surveillée par une caméra militaire. https://t.co/X7o28Kr6oI

— Jean-Luc Mélenchon (@JLMelenchon) March 18, 2022