A Carcassona, Carnaval s’apièja pas sus una tradicion plan establida coma a cò dels vesins de Limós. Lo Bon-Òme coneis unas pujadas exponenciaals de fèbre, puèi de temps de sòm letargic. Dempuèi tres ans, lo COMICC (COMItat del Carnaval de Carcassona) a pres las causas en man.
La programacion de l’an s’apièja a l’encòp sul remembre, lo present e l’avenir.
Lo remembre amb las mòstras fotograficas: l’una torna sus las edicions de las annadas fòlas de 1980 (a la Comuna, del 2 al 18) e l’autra sus l’edicion de l’an passat consacrada a la fin del monde (sailes sus la plaça de las Èrbas) que, fin finala, venguèt pas!
La sortida bèla se farà lo dissabte 9 de març: lo rendètz-vos es balhat per 5 oras del vèspre, a la Gara. La reina Cumulus arribarà (que lo Cumul — de tot çò que volètz — es lo tèma de trabalh, de reflexion, de desguisaments transversal, transfrontalièr, transgeneracional e transgressiu de l’annada). Lo passa-carrièra remontarà la carrièra de la Gara amb las musicas (en alternància e alteritat) de la Fanfara de Menerbés, de Tonton a Faim (que festeja ongan sos 20 ans) e de la fanfara de la Marcèla Coulazou. Se virarà puèi sus la Plaça de las Èrbas amb los Manguidem Taf-Taf. Serà alavetz l’ora de l’aperitiu reviscolaire jol Mercat cobèrt e del caçolet rescalfaire e energetic, abans lo jutjament qu’es anonciat original (amb la participacion esperada d’En Jack Humul — a la carta de vesita longa coma una lasanha sens carn de caval —, mas a la conclusion sens suspresa) e aprèp l’Adieu paure carnaval ritual vendrà lo temps d’un balèti-salsa amb Piel Canela.
Las generacions venentas de carnavalièrs, los mainatges, auràn lor sortida especifica lo dimècres 13 de vèspre. Los Centres de Lésers an interpretat lo tèrme Cumul en nivols Cumulus, Nimbus e Estratus (“e a l’escòla, i aniràs pas pus!”), sens parlar del Solelh, de la Luna e de las Estelas que virolejan dins lo cèl coma una volada de confetis! Ne saber mai: www.carnavaldecarcassonne.sitew.fr/
Cercle Occitan del País de Carcassona
La programacion de l’an s’apièja a l’encòp sul remembre, lo present e l’avenir.
Lo remembre amb las mòstras fotograficas: l’una torna sus las edicions de las annadas fòlas de 1980 (a la Comuna, del 2 al 18) e l’autra sus l’edicion de l’an passat consacrada a la fin del monde (sailes sus la plaça de las Èrbas) que, fin finala, venguèt pas!
La sortida bèla se farà lo dissabte 9 de març: lo rendètz-vos es balhat per 5 oras del vèspre, a la Gara. La reina Cumulus arribarà (que lo Cumul — de tot çò que volètz — es lo tèma de trabalh, de reflexion, de desguisaments transversal, transfrontalièr, transgeneracional e transgressiu de l’annada). Lo passa-carrièra remontarà la carrièra de la Gara amb las musicas (en alternància e alteritat) de la Fanfara de Menerbés, de Tonton a Faim (que festeja ongan sos 20 ans) e de la fanfara de la Marcèla Coulazou. Se virarà puèi sus la Plaça de las Èrbas amb los Manguidem Taf-Taf. Serà alavetz l’ora de l’aperitiu reviscolaire jol Mercat cobèrt e del caçolet rescalfaire e energetic, abans lo jutjament qu’es anonciat original (amb la participacion esperada d’En Jack Humul — a la carta de vesita longa coma una lasanha sens carn de caval —, mas a la conclusion sens suspresa) e aprèp l’Adieu paure carnaval ritual vendrà lo temps d’un balèti-salsa amb Piel Canela.
Las generacions venentas de carnavalièrs, los mainatges, auràn lor sortida especifica lo dimècres 13 de vèspre. Los Centres de Lésers an interpretat lo tèrme Cumul en nivols Cumulus, Nimbus e Estratus (“e a l’escòla, i aniràs pas pus!”), sens parlar del Solelh, de la Luna e de las Estelas que virolejan dins lo cèl coma una volada de confetis! Ne saber mai: www.carnavaldecarcassonne.sitew.fr/
Cercle Occitan del País de Carcassona
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Precision :
La fanfara del Menerbés serà de sortida lo dimècres 13 per acompanhar los mainatges, mas pas lo 9.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari