CAPÇALERA PAIS INVISIBLE

Actualitats

InternacionalPoliticaSocietat

Corsega aculhís amb d’onors lo còrs d’Yvan Colonna

De milièrs de personas an aculhida la despolha dins un estricte silenci d’un costat e de l’autre de l’estrada

Tèxte legit

Las funeralhas d’Yvan Colonna se tendràn aqueste vèspre dins son vilatge, Carghjese, sus la còsta oèst de Corsega. La despolha arribèt dins l’illa dimars de ser ont foguèt aculhida per un reng d’onor popular. Puèi, de milièrs de personas se placèron d’un costat e de l’autre de l’estrada entre l’aeropòrt d’Aiacciu e la mòrga, en portant de candelas e de bandeiròlas per li far una “gàrdia d’onor”.
 
De son latz, lo president francés, Emmanuel Macron, critiquèt que la Collectivitat de Corsega aguèsse sos drapèus a mièja asta “per exprimir la tristesa collectiva que se sent en seguida de la tragica mòrt d’Yvan Colonna e fàcia a las oras sornas que las viu Corsega”. Per Macron, se tracta d’una “error” e d’un fach “inadeqüat”.
 
Colonna moriguèt diluns passat a causa d’una brutala agression dins la preson d’Arle patida lo 2 de març passat e que lo mantenguèt dins lo còma dins un espital de Marselha. Aquela agression a causadas de manifestacions de massa en Corsega, de susmautas e divèrsas demostracions d’indignacion. Aqueles faches an unit lo sobeiranisme còrs, istoricament devesit, que ten un larg sosten popular, e aquò a obligadas las autoritats francesas d’ensajar de mestrejar la situacion; aquestas an quitament parlat d’autonomia, çò qu’avián totjorn rebutat categoricament.
 
 
Condemnat a perpetuitat per l’assassinat del prefècte Érignac
 
Yvan Colonna foguèt condemnat a perpetuitat en 2007 per l’assassinat del prefècte Claude Érignac. Mas el afirmava totjorn son innocéncia e lo nacionalisme còrs considerava que i aviá de motivacions politicas dins son procès.
 
L’actual president còrs, Gilles Simeoni, foguèt, justament, l’avocat que defendèt Colonna. Simeoni diguèt dins una entrevista a France Info que “los detenguts còrses èran estats designats coma de butas per de rets islamistas radicals” e qu’el meteis n’aviá avertit dempuèi 2016 totes los “primièrs ministres e interlocutors governamentals”.
 
L’assassin de Colonna se nomena Franck Elong Abé, es un presonièr de 36 ans amb un espés passat delictiu. Complissiá ara sa condemnacion a Arle après èsser detengut en Afganistan. Segon Libération, l’agressor auriá escanat Colonna après que lo presonièr còrs auriá proferit una “blasfèmia”.


 

abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

SERRADELL
20.

#19 pedigrí :
paIre catalan del nòrd : Serradell, Selva, de Vilar, de Pallarés
maire furlana-veneta ; Reghenaz, Danelon, Morassut, Praturlon
M'estimi mei aver raIçes (arrels en catalan) que d'èstre un "heimatloss"

  • 5
  • 0
"Catalanu" (?) Ribellu (sic)
19.

#16 Se far passar per còrsa o catalan,Tss... De que farian pas certs per sonhar lor nafra identitària !

  • 0
  • 6
"Catalanu" (?) Ribellu (sic)
18.

#17 Se far passar per còrsa o catalan,Tss... De que farian pas certs per sonhar lor nafra identitària !

  • 0
  • 7
CIRCINELLU
17.

#14 Los còrses son solidaris entre eles e a Borgo aurian pas permés qu'un islamista escanesse un compatriota.
Un catalan qu'a viscut en Còsega onte fòguet fòrca plan acculhit e dedendut contre los francimans.

  • 7
  • 3
CIRCINELLU
16.

#15 La DeLgà, reina de mantuns occiitans impotents a aparar lor lenga e lor civilisacion es pas pron coratgòsa per sostenir los patriotas còrses.

  • 1
  • 8

Escriu un comentari sus aqueste article