Actualitats
Arabia Saudita: se ten lo Grand Prèmi de Formula 1 dins l’encastre de la guèrra de Iemèn
Los pilòts avián pensat de cancelar lor participacion a l’eveniment, mas l’organizacion ne refortiguèt la seguretat
Tèxte legit
Se tenguèt dimenge passat lo Grand Prèmi de l’Arabia Saudita de Formula 1 a Jiddah, sus la còsta de la mar Roja. L’eveniment esportiu aguèt luòc dins l’encastre de la guèrra en Iemèn après que, divendres, de fusadas lançadas per l’armada dels huthis de Iemèn aguèron tocat dos depauses de carburant de la societat Aramco. I aguèt pas cap de victima, mas los pilòts avián pensat de cancelar lor participacion a l’eveniment.
Sul pic, l’Union Europèa emetèt un comunicat ont considerava inacceptable l’atac huthi e exigissiá l’arrèst dels “atacs contra de vilas e infrastructuras civilas”, en avertissent que las agressions d’aquela mena aumentavan “lo risc d’una escalada màger del conflicte” e afeblissián “los esfòrces en marcha per metre fin a la guèrra”.
De son caire, l’Arabia Saudita respondèt lo meteis divendres en bombardant la capitala de Iemèn, Sanaa, e lo principal pòrt del país, Hodeida. Las bombas tombèron, entre tant, un edifici del servici public de las pensions en tuant almens uèch personas.
Ça que la, dissabte, una manifestacion de massa se tenguèt per carrièras de Sanaa per tal de se recordar del seten anniversari del començament d’aquela guèrra.
Sèt ans d’una guèrra desmembrada
Dempuèi març de 2015, las armadas d’un desenat de païses, dirigits per l’Arabia Saudita, agarrisson la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic als atacs saudians contra los huthis.
De donadas esglasiantas
Fins a la fin de l’an 2021, aquela guèrra auriá daissat mai de 337 000 mòrts segon de donadas de l’ÒNU, qu’avertís sus la situacion umanitària en Iemèn. Mai de la mitat d’aquelas victimas son mòrtas per la manca de manjar, d’aiga e de medicaments causada per la guèrra. Ara, l’ÒNU reclama 4,3 miliards de dolars d’ajuda umanitària per 17,2 milions de personas en risc de morir de la famina.
Sul pic, l’Union Europèa emetèt un comunicat ont considerava inacceptable l’atac huthi e exigissiá l’arrèst dels “atacs contra de vilas e infrastructuras civilas”, en avertissent que las agressions d’aquela mena aumentavan “lo risc d’una escalada màger del conflicte” e afeblissián “los esfòrces en marcha per metre fin a la guèrra”.
De son caire, l’Arabia Saudita respondèt lo meteis divendres en bombardant la capitala de Iemèn, Sanaa, e lo principal pòrt del país, Hodeida. Las bombas tombèron, entre tant, un edifici del servici public de las pensions en tuant almens uèch personas.
Ça que la, dissabte, una manifestacion de massa se tenguèt per carrièras de Sanaa per tal de se recordar del seten anniversari del començament d’aquela guèrra.
Sèt ans d’una guèrra desmembrada
Dempuèi març de 2015, las armadas d’un desenat de païses, dirigits per l’Arabia Saudita, agarrisson la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic als atacs saudians contra los huthis.
De donadas esglasiantas
Fins a la fin de l’an 2021, aquela guèrra auriá daissat mai de 337 000 mòrts segon de donadas de l’ÒNU, qu’avertís sus la situacion umanitària en Iemèn. Mai de la mitat d’aquelas victimas son mòrtas per la manca de manjar, d’aiga e de medicaments causada per la guèrra. Ara, l’ÒNU reclama 4,3 miliards de dolars d’ajuda umanitària per 17,2 milions de personas en risc de morir de la famina.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari