Actualitats
Accidents d’Aymar Navarro e Abel Moga enes espròves finaus deth Freeride World Tour 2022
Dempús de percutir ua arròca, Navarro queiguec ua centea de mètres en tot impactar sus plusors arròques mès. Non s’a trincat sonque ua espatla
Tèxte legit
Dus esportius aranesi, Aymar Navarro e Abel Moga, se remerquèren pendent era dimenjada passada enes espròves finaus deth Freeride World Tour 2022 tengudes en Bec des Rosses (Soïssa). De non acabar en accident aurien artenhut ues mèrques espectacloses.
Dempús de percutir ua arròca, Navarro queiguec ua centea de mètres en tot impactar sus plusors arròques mès. Era competicion siguec arturada pendent mès de 20 menutes deth temps qu’er elicoptèr des secors podie accedir ath lòc a on demoraue Navarro. Es expèrts diden qu’era causa principau der accident serie un percors complicat damb nhèu fòrça dura. Der espitau estant, Navarro a publicat un messatge en tot díder que se tròbe ben. Non s’a trincat sonque ua espatla.
Deth sòn costat, Moga sagèc un darrèr backflip que, se l’auesse artenhut, aurie amassat un pialèr de punts e s’aurie classificat enes prumèri lòcs. Mès aterrèc mau a causa der estat dera nhèu, e queiguec.
Demoram qu’entà un aute an, es sòns resultats seràn memorables.
Dempús de percutir ua arròca, Navarro queiguec ua centea de mètres en tot impactar sus plusors arròques mès. Era competicion siguec arturada pendent mès de 20 menutes deth temps qu’er elicoptèr des secors podie accedir ath lòc a on demoraue Navarro. Es expèrts diden qu’era causa principau der accident serie un percors complicat damb nhèu fòrça dura. Der espitau estant, Navarro a publicat un messatge en tot díder que se tròbe ben. Non s’a trincat sonque ua espatla.
Deth sòn costat, Moga sagèc un darrèr backflip que, se l’auesse artenhut, aurie amassat un pialèr de punts e s’aurie classificat enes prumèri lòcs. Mès aterrèc mau a causa der estat dera nhèu, e queiguec.
Demoram qu’entà un aute an, es sòns resultats seràn memorables.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari