capçalera campanha

Actualitats

InternacionalSciéncia

De scientifics catalans descobrisson cossí s'espandís per l'organisme lo virus del sida


La descobèrta dobrís la pòrta al desvolopament d'una potinga qu'arrèste l'avançada del VIU

| C. Goldsmith

Un grop d'investigators de l'espital Germans Trias i Pujol de Badalona (Païses Catalans) a descobèrt la molecula responsabla de l'espandiment del virus del sida dins l'organisme. Aquò dobrís la pòrta al desvolopament d'un medicament qu'arrèste l'avançada del virus e que, eventualament, facilite una estrategia terapeutica per mejan d'un vaccin. La descobèrta es estada publicada dins la revista internacionala PLoS Biology.


Lo coordenaire de l'estudi, Javier Martínez-Picado, a explicat que la molecula trobada, sonada gangliosid, permet l'intrada del virus dins las cellulas del sistèma immunitari apeladas dendriticas, e es aital que reprodusís aquel procès en causant la disseminacion del virus.
 
En collaboracion amb l'Institut de Quimia Avançada de Catalonha del CSIC e de l'Universitat d’Heidelberg, en Alemanha, l'investigacion a demostrat que la desaparicion dels gangliosids inibís entièrament la propagacion del virus", a explicat Martínez-Picat, acompanhat de l'investigator Bonaventura Clotet.
 
E a tanplan constatat qu'"a l'ora d'ara las terapias antiretroviralas melhoran la qualitat de vida, mas garisson pas, e als pacients lor cal prene de potingas pendent tota la lor vida. La non-garison, es perque lo virus contunha de se replicar dins quina part del còrs que siá."
 
Ça que la, cal plan de trabalh per lançar sus lo mercat un medicament que blòque l'espandiment del VIU, que "poiriá trigar entre 10 o 15 ans".

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Elia La Chalp
3.

Es una bòna novèla aquela descubèrta. Chal esperar qu'aiçò empacharè degun de quitar de far atencion. Que lo còrs uman, coma l'òme, es un mistèri de còps.
Brau als cerchaires catalans e tedescos.

  • 1
  • 0
Oton d'Aniòrt Aniòrt de País de Saut
2.

Incredible : quin cinisme ! Sonar VIU çò que pòrta mòrt tant radicalament…

  • 2
  • 1
Domergue Sumien Ais de Provença
1.

Lo «VIU» es lo «virus d'immunodeficiéncia umana» (en anglés «HIV», «human immunodeficiency virus»).

  • 4
  • 0

Escriu un comentari sus aqueste article