Actualitats
Los jutges britanics se retiran de la Cort Suprèma d’Hong Kong
Segon los magistrats, la lei chinesa de Seguretat Nacionala, que permet a Pequin de perseguir tota sòrta de dissidéncia, los a meses en una situacion insuportabla
Tèxte legit
Lo president e lo vicepresident de la Cort Suprèma britanica, Robert Reed e Patrick Hodge, an anonciat que serián pas pus membres del naut tribunal d’Hong Kong.
Segon los magistrats, la lei de chinesa de Seguretat Nacionala, que permet a Pequin de perseguir tota sòrta de dissidéncia, los a meses en una situacion insuportabla, pr’amor que lor preséncia al tribunal èra considerada coma un gatge simbolic de l’estat de drech dins l’anciana colònia britanica.
Reed e Hodge an presentat lor demission amb efièch immediat, après far las consultas pertinentas amb los ministres de la justícia e dels afars estrangièrs britanics, Dominic Raab e Liz Truss.
Los dos jutges fasián partida dels uèch membres britanics del dich Tribunal d’Apellacions Finalas d’Hong Kong, malgrat que los autres sián totes a la retirada. Lor preséncia dins l’organ judiciari fa partida de las obligacions del Reialme Unit après liurar l’èx-colònia a China en 1997.
Segon los magistrats, la lei de chinesa de Seguretat Nacionala, que permet a Pequin de perseguir tota sòrta de dissidéncia, los a meses en una situacion insuportabla, pr’amor que lor preséncia al tribunal èra considerada coma un gatge simbolic de l’estat de drech dins l’anciana colònia britanica.
Reed e Hodge an presentat lor demission amb efièch immediat, après far las consultas pertinentas amb los ministres de la justícia e dels afars estrangièrs britanics, Dominic Raab e Liz Truss.
Los dos jutges fasián partida dels uèch membres britanics del dich Tribunal d’Apellacions Finalas d’Hong Kong, malgrat que los autres sián totes a la retirada. Lor preséncia dins l’organ judiciari fa partida de las obligacions del Reialme Unit après liurar l’èx-colònia a China en 1997.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari