Actualitats
Gaireben 78% dels nòus escolans de la comunautat del Bascoat auràn lo basco coma sola lenga veïculara
Mens de 20% dels escolans seràn escolarizats amb lo basco e lo castelhan coma mejan d’instruccion
Segon las donadas preliminaras qu’a fach conéisser lo Departament de l’Educacion de la comunautat autonòma del Bascoat, 77,7% dels enfants qu’an ara dos ans d’edat son estats matriculats dins lo modèl lingüistic D, que totas las matèrias se i fan en basco, levat la lenga castelhana. 19,2% seràn escolaritzats dins lo modèl B (espanhòl e basco coma matèrias e coma lenga d’instruccion), del temps que solament 3% auràn l’espanhòl coma lenga principala (modèl A).
Los parents pòdon causir quin que siá dels tres modèls per lors enfants. Lo modèl D es lo preferit dempuèi fòrça ans. Aquò a contribuit a una creissença continua de la coneissença del basco entre los mai joves de la societat basca pendent los darrièrs decennis.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Los parents pòdon causir quin que siá dels tres modèls per lors enfants. Lo modèl D es lo preferit dempuèi fòrça ans. Aquò a contribuit a una creissença continua de la coneissença del basco entre los mai joves de la societat basca pendent los darrièrs decennis.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Que i a un vintenat d'annadas, lo modèle D n'arcuelhè pas, se'm brombi plan, qu'un 20 % d'escolans, e lo modèle A que se n'atraçava ua majoritat aclapadora.
Mes dens las annadas navanta, lo govèrn basco que causí d'aviar ua basquizacion massiva de l'educacion afin qu'aquesta e formèsse ciutadans qui conegossen amduas lengas oficiaus de la comunitat autonòma. Un gran esfòrç qu'estó hèit, tot, prumèr, entà la basquizacion deu personau ensenhaire.
Que causín de privilegiar lo modèle D per'mor que lo nivèu en basco deus escolans qui sortivan deu modèle B èra tròp baish.
Donc:
- l'accent hicat sus la formacion deus ensenhaires;
- la recèrca de la mei grana eficacitat entà la lenga dominada.
Ne cerquetz pas nat equivalent a ua tau politica lingüistica en França: ne n'i a pas. Ne n'i a pas, tà començar, au País basco nòrd, e enqüèra mensh a noste on nse trobam en devath de tot: ensenhaires sovent non- o mau formats, nat contaròtle ni seguit de la qualitat de l'occitan ensenhat aus escolans, organismes (com los CRDP's) entà s'ocupar de formacion pedagogica, mes arren entau contiengut (quan non seré que tà assabentar los ensenhaires de l'evolucion de la nòrma, o presentà'us los utís com los diccionaris o gramaticas qui sòrten) . L'abisme.
#2 Tè! O sabiái pas aquò! Aital se comprén, doncas. Plan mercés! ^^
E òsca per la colaboracion entre Lo Jornalet e Nationalia.cat ! A totes, o farem…
#1 era letra C non existís en basco. Er alfabet ei A, B, D, E, F...
Aquò fa plaser de legir!! Totun, legiguèri fa qualques jorns sus de jornals que de parents que i a volián escolarizar los lors enfants dins lo modèl A, mas trobèron pas cap d'escòla qu'i los posquèssen matricular. Vertat o pas, aquò es una granda nòva que farà ben a n'aqueles mainatges!! E daumatge per aquel pichòt 3% de pichons que benlèu jamai parlaràn pas lo basco :(
Per curiositat, me triga de saber de qué s'es passat amb lo modèl C...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari