Encara un punt que, se i a tornar Le Pen-Macron al 2nd torn, serà berreta blanca e blanca berreta, coma disiá lo Jacques. E pensar que de mond que se dison d'esquèrra se preparan a votar Macron tre lo 1èr torn ! Es vertat que se siás pas macronista siás un extremista, un radical, un khmler-quicòm, un aiatollà de.. ,Es incresable coma lo lexic de l'òdi s'es enriquit pendent aqueste quinquenat. E an lo fetge d'acusar los autres de divisar lo país ! Tè, me vau préne un quinquina per digerir tot aquò !

Es que nos podèm carar d’aquel afar e estolomiar nòstra apagansa ?

Çò semblariá que Las causas siòsquesson brolhíssas e escuras. Lo parran vendut es pas lo meteis que lo qu’avèm tornat crompar mai car que l’avèm vendut Es una politica industriala sens cap de bossòla que nos costèc car e que nos costa enquèra mai car. Avèm salvat las turbinas e nòstra independencia energetic, enquèra que siòsquessa pas tant segur que d’atal.

Alstom es lo trestimblatge industrial de Fransa. Autre còps Alstom lo bibèis, prenguèc lo mit del « Fabless » (sens fabregas, sens usinas) de plen morre. Per la vila de Belfòrt fusquèc comerças tampats, ostals vuèges un trestimblatges social.

Aquela venda d’Alstom nos fasquèc perdre competencias que son plan malaisidas de tornar trobar sul long e mejan terme. Sèm dins l’obligacion de jostractar o de deslocalizar dins d’airals ont las competencias son mai nombroses e mens caras.

Lo repercutiment d’aquela pachacada sus nòstra industria nucleari es pas sens consequencia gravas. Se l’EPR de Flamanville fusquèc tengut aquetat es en grana partida en causa d’aquela perda de competencias que lo mond nos envetjava.

Tener aquetat (Azais Gabrial) être tenu en échec.
Aquetar, s’aquetar (Cantalausa) arrêter, s’arrêter.

L’istòria d’aquelas turbinas fusquèc un remirable roman.

Dels temps de Hollande, ambe Macron coma ministre de las finanças, la turbinas Arabelle, las milhonas al mond, fusquèron vendudas a General Electric quora se vendèc Alstòm a General Electric.

D’unis se trachèron qu’aviam atal perdut nòstra independencia estrategic, vertat que levat lo scooter (enquèra que se fasquèc prener tà un garri), l’estrategia èra pas del mond de Hollande.

Amb’aquela crompa sèm lo sol país al mond que mestreja l’integralitat del cicle nucleari. Sens aquelas turbinas lo reactor non pòt produzir d’electricitat.

Lo fabregament d’aquelas turbinas demanda un saber far de naut nivèl e d’obrièrs nautament qualifiats.

Atal EDF va dierbre lo porta moneda a nautor de 200 Milhons de Dollars, siá 175 Milhons d’Euros per tornar crompar çò vendut de per error estrategic.

Lo Macron fasquèc l’anoncia d’aquela transaccion quora se n’anguèc visitar Belfort, tot aquò dins un tempre (timing) remirable.

Tre aver tornat crompar Arabelle, èra prevezit que Rosatom venguessa al capital, Los ligams dentre las dos entreprezas existisson dempuèi plan temps. Rosatom es un dels candoliers màger per las turbinas Arabelle.

Rosenergoatom Filhala de Rosatom es a collaborar dempuèi qualques trentenat d’annadas ambe EDF. Las doas entitats an desvolopat un partenariat exclusiu, dempuèi la concepcion dels reactors fins a la mesa en servici.
Novembre 2021 Rosatom e Framatome filhala d’EDF a 75% anonciavan un novèl consent estrategic de cooperacion sul long terme.