Actualitats
Aiacciu: la manifestacion en remembrança d’Yvan Colonna s’es acabada amb de susmautas
Tanlèu acabada la protèsta, un grop de manifestants a atacat lo comissariat de polícia amb de coctèls Molotov
Tèxte legit
Situacion insurreccionala en Corsega. Qualques milièrs de personas manifestèron ièr a Aiaccio en remembrança d’Yvan Colonna. Tanlèu acabada la protèsta, un grop de manifestants ataquèt lo comissariat de polícia amb de coctèls Molotov. La polícia los a reprimits amb de canèls d’aiga e de gases lacrimogèns.
La manifestacion aviá amassat quatre milièrs de personas darrièr una bandeiròla que disiá “assassinat per l’estat francés”. La portava, demest d’autres, Stéphane Colonna, fraire d’Yvan.
Yvan Colonna èra un militant independentista que foguèt condemnat a perpetuitat en 2007 per l’assassinat, en 1998, de Claude Érignac, prefècte de Corsega. El proclamèt totjorn son innocéncia e los avocats denoncièron d’irregularitats dins lo procès coma de decisions biaissadas e sens pro de pròvas. La polícia cerquèt pas d’autres suspèctes, cap dels testimònis reconeguèt pas Colonna e se presentèt pas de pròvas materialas. La revendicacion de son innocéncia, las ombras de l’afar e lo fach que demorèsse quatre annadas amagat dins las montanhas de l’illa, l’an tresmudat en un simbòl del sobeiranisme còrs.
Après l’ataca que Colonna patiguèt dins la preson, s’entamenèt de protèstas en Corsega qu’an pas cessat. Aqueles faches an unit lo sobeiranisme còrs, istoricament devesit. La tension es venguda tan granda que las autoritats francesas an quitament parlat d’autonomia, çò qu’avián totjorn rebutat categoricament.
La manifestacion aviá amassat quatre milièrs de personas darrièr una bandeiròla que disiá “assassinat per l’estat francés”. La portava, demest d’autres, Stéphane Colonna, fraire d’Yvan.
Yvan Colonna èra un militant independentista que foguèt condemnat a perpetuitat en 2007 per l’assassinat, en 1998, de Claude Érignac, prefècte de Corsega. El proclamèt totjorn son innocéncia e los avocats denoncièron d’irregularitats dins lo procès coma de decisions biaissadas e sens pro de pròvas. La polícia cerquèt pas d’autres suspèctes, cap dels testimònis reconeguèt pas Colonna e se presentèt pas de pròvas materialas. La revendicacion de son innocéncia, las ombras de l’afar e lo fach que demorèsse quatre annadas amagat dins las montanhas de l’illa, l’an tresmudat en un simbòl del sobeiranisme còrs.
Après l’ataca que Colonna patiguèt dins la preson, s’entamenèt de protèstas en Corsega qu’an pas cessat. Aqueles faches an unit lo sobeiranisme còrs, istoricament devesit. La tension es venguda tan granda que las autoritats francesas an quitament parlat d’autonomia, çò qu’avián totjorn rebutat categoricament.
|
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
òsca al president SIMEONI e als dirigents independentistas e autonomistas còrses !
Lor plaça es puslèu dins las carrièras ambe lor pòble que dins los bureus e las reunions esterilas onte son pas brica escotats pel Macron e sa clica !
Mercés a eles !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari