Actualitats
Guaiana reclama l’autonomia dins la Republica Francesa
Lo president guaianés crida a profechar del “tren de Corsega”
Tèxte legit
Los elegits de Guaiana, a l’unanimitat, sostenguèron dissabte 26 de març lo fach d’entamenar un procès qu’arribèsse a l’autonomia d’aquel país sud-american dins la Republica Francesa. Las autoritats guaianesas o notificaràn al govèrn francés e als candidats per l’eleccion presidenciala.
Lo president de la Collectivitat Territoriala de Guaiana, Gabriel Serville, a dich que caliá profechar del “tren de Corsega”, en referéncia a la demanda d’autonomia de l’illa mediterranèa, sus la quala lo govèrn francés a anonciat qu'èra dispausat a negociar.
Un comitat directiu format d’elegits guaianeses elaborarà una proposicion d’autonomia que serà presentada al govèrn francés, tanlèu acabadas las eleccions d’abril (la presidenciala) e junh (las legislativas). Sus la taula es l’idèa d'obténer una autonomia legislativa, coma la qu’an la Nòva Caledònia e Polinesia.
La Collectivitat Territoriala de Guaiana ten una autonomia executiva, mas non pas legislativa.
Los elegits an tanplan sostengut l’idèa que la proposicion autonomica siá validada per mejan d’una consulta populara.
En genièr de 2020, los elegits guaianeses avián aprovat una resolucion per demandar un “estatut sui generis”, a negociar amb París. La demanda se poguèt pas concretizar.
Aquesta nòva es adaptada de Nationalia amb qui Jornalet ten un acòrdi de cooperacion
Lo president de la Collectivitat Territoriala de Guaiana, Gabriel Serville, a dich que caliá profechar del “tren de Corsega”, en referéncia a la demanda d’autonomia de l’illa mediterranèa, sus la quala lo govèrn francés a anonciat qu'èra dispausat a negociar.
Un comitat directiu format d’elegits guaianeses elaborarà una proposicion d’autonomia que serà presentada al govèrn francés, tanlèu acabadas las eleccions d’abril (la presidenciala) e junh (las legislativas). Sus la taula es l’idèa d'obténer una autonomia legislativa, coma la qu’an la Nòva Caledònia e Polinesia.
La Collectivitat Territoriala de Guaiana ten una autonomia executiva, mas non pas legislativa.
Los elegits an tanplan sostengut l’idèa que la proposicion autonomica siá validada per mejan d’una consulta populara.
En genièr de 2020, los elegits guaianeses avián aprovat una resolucion per demandar un “estatut sui generis”, a negociar amb París. La demanda se poguèt pas concretizar.
Aquesta nòva es adaptada de Nationalia amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés Jornalet !
Trobetz pas CURIÓS qu'entre Ucraina, e elections , digun n'en parlèt pas gaire en Exagonia ?
Nada importáncia de segur !
Fan plan de demandar l'autonomia.
Cal pas daissar los Còrses solets. Totas las regions à l'encòp deurián demandar l'autonomia.
Cal veire qu'anam tornar prene 5 ans de jacobinisme 100 del 100. Lo cal far plegar. Ardits !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari