Actualitats
Lo 99% de l’aire es polluit
I a mai de 13 milions de mòrts per an provocadas dirèctament per l’aire polluit de nòstra Tèrra
La situacion de l’aire de la planeta poiriá pas èsser pièger. Aquò es çò que confirma lo recent estudi fach per l’Organizacion Mondiala de la Santat (OMS) sus la qualitat de l’aire suls cinc continents. E la situacion es tras que grèva pr’amor que, dempuèi d’annadas, i a mai de 13 milions de mòrts per an provocadas dirèctament per l’aire polluit de nòstra Tèrra.
En mai d’aquò, l’OMS tanben a volgut avertir la populacion mondiala que lo 99% d’aquesta alena d’aire fòrça polluit, una menaça dirècta sus la santat de totes. La resulta arribèt après l’analisi de donadas de mai de 6000 vilas de 117 païses. E la màger part d’aquel aire es doncas òrra.
Segon aquelas tristas chifras, lo director general de l’OMS, Tedros Adhanom a remembrat que caliá accelerar encara mai la transicion vèrs de sistèmas d’energia mens polluents abans que foguèsse tròp tard. E per o far, cal revisar los estandards nacionals de qualitat de l’aire dins un fum d’estats de la planeta. Puèi se devon restacar a çò que recomanda l’OMS.
Mai de pauretat vòl dire mai de pollucion
En mai d’aquò, l’OMS a tanben soslinhat qu’es justament dins los païses mai paures de la planeta que sonque un 1% de vilas e vilatges an un aire de tot en tot non polluit. Segon aquel estudi, ailà los nivèls de dioxid de nitrogèn (un dangierós polluent urban) son fòrça nauts e i a fins a 2000 vilas de mai que son ara en una situacion pièger que la descricha dins lo darrièr estudi fach per l’OMS (e la sèria comencèt en 2011).
Tot aquò es, segon l’OMS, plan perilhós per la santat umana, perque la màger pollucion de l’aire provòca de mai en mai de malautiás cardiovascularas e cerebrovascularas. “Lo naut prètz de l’energia, la non-seguretat d’aquesta e l’urgéncia de metre fin a aquela gigantassa pollucion, çò a dich Tedros Adhanom, director general de l’OMS, mòstran que cal passar rapidament a d’autres tipes d’energia”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
En mai d’aquò, l’OMS tanben a volgut avertir la populacion mondiala que lo 99% d’aquesta alena d’aire fòrça polluit, una menaça dirècta sus la santat de totes. La resulta arribèt après l’analisi de donadas de mai de 6000 vilas de 117 païses. E la màger part d’aquel aire es doncas òrra.
Segon aquelas tristas chifras, lo director general de l’OMS, Tedros Adhanom a remembrat que caliá accelerar encara mai la transicion vèrs de sistèmas d’energia mens polluents abans que foguèsse tròp tard. E per o far, cal revisar los estandards nacionals de qualitat de l’aire dins un fum d’estats de la planeta. Puèi se devon restacar a çò que recomanda l’OMS.
Mai de pauretat vòl dire mai de pollucion
En mai d’aquò, l’OMS a tanben soslinhat qu’es justament dins los païses mai paures de la planeta que sonque un 1% de vilas e vilatges an un aire de tot en tot non polluit. Segon aquel estudi, ailà los nivèls de dioxid de nitrogèn (un dangierós polluent urban) son fòrça nauts e i a fins a 2000 vilas de mai que son ara en una situacion pièger que la descricha dins lo darrièr estudi fach per l’OMS (e la sèria comencèt en 2011).
Tot aquò es, segon l’OMS, plan perilhós per la santat umana, perque la màger pollucion de l’aire provòca de mai en mai de malautiás cardiovascularas e cerebrovascularas. “Lo naut prètz de l’energia, la non-seguretat d’aquesta e l’urgéncia de metre fin a aquela gigantassa pollucion, çò a dich Tedros Adhanom, director general de l’OMS, mòstran que cal passar rapidament a d’autres tipes d’energia”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es brava l'OMS mas darrier tot aquò chau veire lo dejos de l'afar.
D'abòrd la polucion existe dempuei fòrças annadasP Perqué dins aquelas condicions l'OMS n'en a pas parlar pus leu?
Puei quò es una bona ocasion de far una propaganda per de las entreprisas dichas ecologicas que zo son pas coma la veitura élecrtica, lo fotovoltaique o l'eolienne, o remplaçar las proteinas animalas per de las plantas geneticament modifiadas que damandan mai de pesticides per existar e preparar una paubretat generalisada tot en acusant las populacions.
Acabam de creire a l'onestetat de tota aquela ierarchia alentorn de l'ONU qu'obeit a los que paia sos membres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari