La melhora fòto de l’annada, segon lo World Press Photo Contest 2022, es de la fotografa canadenca Amber Bracken, que mòstra de vestits penjats sus una fila de croses long d’una estrada. Es l’omenatge que se faguèt als centenats d’enfants que moriguèron dins lo pensionat indigèna de Kamloops. A la fin de mai de 2021 trobèron las rèstas de 215 còrses jos aquel pensionat, un dels qu’internavan d’enfants dels pòbles originaris per lor escafar la cultura e las tradicions. Entre los ans 1863 e 1998, lo govèrn canadenc aviá raubat 150 000 enfants a lors famihas amb aquela tòca, e maites moriguèron dels maltractaments e de la fam.
 
Segon la presidenta de la jurada, “gaireben se pòt escotar la tranquillitat de la fotografia, un moment tranquil de revenge amb l’istòria de la colonizacion, non pas solament en Canadà, mas dins lo Mond entièr”.
 
 
Ne son laureats 24 fotografes de 23 païses
 
Al total, los ganhaires dels World Press Photo Contest 2022 son 24 fotografes de 23 païses que presentan una varietat de perspectivas de totes los recantons del Mond. Las òbras premiadas porgisson d'istòrias coratjosas, de coneissenças inestimablas e una diversitat d'interpretacions suls efièches indiscutibles de la crisi climatica, suls movements pels dreches civils, sus l’accès a l’educacion per totes, sus la preservacion de l’identitat dels pòbles indigènas, etc. Podètz veire los imatges sul sit del prèmi.
 
 

Presenting the global winners of the #WPPh2022 Contest:
- ‘Kamloops Residential School’ by @photobracken
- ‘Saving Forests with Fire’ by @mattabbottphoto
- ‘Amazonian Dystopia’ by Lalo de Almeida
- ‘Blood is a Seed’ by Isadora Romero
Discover their work: https://t.co/KfNB2zECVapic.twitter.com/mPRvlb3EXS

— World Press Photo (@WorldPressPhoto) April 7, 2022