Actualitats
Nimes: Crocs contra Krokos, una marca americana ataca en justícia un club d’espòrt a causa de son lògo
La celèbra marca de sabatas de plastic ataca lo club d’oquei sus glaç pr’amor que tròba que lo lògo es tròp identic al sieu
Tèxte legit
La celèbra marca de sabatas de plastic, Crocs, ataca lo club d’oquei sus glaç de Nimes en justícia pr’amor del lògo que s’es causit, un crocodil. Lo tròba tròp identic al sieu. De lor caire, los nimesencs son lèstes per defendre lor causida, pr’amor que lo crocodil es la bèstia emblematica de lor vila dempuèi 2000 ans, çò rapòrta France 3.
D’efièch, a Nimes, se pòt pas far un pas sens veire de crocodils gravats un pauc pertot. Es que lo crocodil encadenat a un palmièr es l’emblèma de la vila e nos recòrda que la colonia nimesenca foguèt fondada per de legionaris romans de l’emperaire August après la conquista d’Egipte.
Un simbòl que foguèt doncas représ per totes: lo club de fotbòl, e d’associacions localas nombrosas coma lo Nimes Hockey Club, una esquipa que, per de dire de se far qualques sòus en vendent de produches a las colors del club, volguèt depausar son lògo marcat del crocodil al prèp de l’Institut Nacional de la Proprietat Industriala (INPI).
Problèma: lo club nimesenc recebèt una injoncion formala de part d’una celèbra marca americana de sabatas de plastic que lor repròcha d’imitar son lògo e de menaçar son activitat. Notem que Crocs Inc. es una entrepresa americana registrada en borsa e que pesava, l’an passat, 2,7 miliards de chifra d’afar.
En fàcia, los vestits signats « Nîmes Krokos » an generat 5472,15 èuros de vendas, fachas al près dels sòcis del club esportiu principalament .
“I a pas de volontat nòstra de far de concurréncia. An d’objectius comercials importants, nosautres nòstre objectiu es associatiu”, çò ditz Florent Marès, membre del conselh d’administracion del Nîmes Krokos.
La marca americana exigís doncas que lo club cèsse d’utilizar tot imatge del crocodil.
De denóncias que son a se multiplicar a l’ora d’ara
“Lo drech de las marcas e la proprietat intellectuala que ne resulta son sistematicament utilizats per las grandas marcas francesas o internacionalas que cèrcan de protegir lor exclusivitat,” çò precisa Stéphane Aubert, avocat especializat en drech comercial.
E mai la marca de sabatas aja sortit las dents, los nimesencs se vòlon pas laissar crocar e espèran qu’una solucion poirà acordar totòm.
Crocodils en luòc de Krokos?
Jornalet pòt sonque suggerir d’adoptar l’occitan dins sa comunicacion comerciala a cada còp qu’aquò es possible, que las grandas multinacionalas i an pas encara pausat lors arpas dessús!
D’efièch, a Nimes, se pòt pas far un pas sens veire de crocodils gravats un pauc pertot. Es que lo crocodil encadenat a un palmièr es l’emblèma de la vila e nos recòrda que la colonia nimesenca foguèt fondada per de legionaris romans de l’emperaire August après la conquista d’Egipte.
Un simbòl que foguèt doncas représ per totes: lo club de fotbòl, e d’associacions localas nombrosas coma lo Nimes Hockey Club, una esquipa que, per de dire de se far qualques sòus en vendent de produches a las colors del club, volguèt depausar son lògo marcat del crocodil al prèp de l’Institut Nacional de la Proprietat Industriala (INPI).
Problèma: lo club nimesenc recebèt una injoncion formala de part d’una celèbra marca americana de sabatas de plastic que lor repròcha d’imitar son lògo e de menaçar son activitat. Notem que Crocs Inc. es una entrepresa americana registrada en borsa e que pesava, l’an passat, 2,7 miliards de chifra d’afar.
En fàcia, los vestits signats « Nîmes Krokos » an generat 5472,15 èuros de vendas, fachas al près dels sòcis del club esportiu principalament .
“I a pas de volontat nòstra de far de concurréncia. An d’objectius comercials importants, nosautres nòstre objectiu es associatiu”, çò ditz Florent Marès, membre del conselh d’administracion del Nîmes Krokos.
La marca americana exigís doncas que lo club cèsse d’utilizar tot imatge del crocodil.
De denóncias que son a se multiplicar a l’ora d’ara
“Lo drech de las marcas e la proprietat intellectuala que ne resulta son sistematicament utilizats per las grandas marcas francesas o internacionalas que cèrcan de protegir lor exclusivitat,” çò precisa Stéphane Aubert, avocat especializat en drech comercial.
E mai la marca de sabatas aja sortit las dents, los nimesencs se vòlon pas laissar crocar e espèran qu’una solucion poirà acordar totòm.
Crocodils en luòc de Krokos?
Jornalet pòt sonque suggerir d’adoptar l’occitan dins sa comunicacion comerciala a cada còp qu’aquò es possible, que las grandas multinacionalas i an pas encara pausat lors arpas dessús!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Mercé per vòstre optimisme. Nos trairàn pas lo crocodil de l'escudet de Nimes.
Es una règla del drets dels brevets que l'anterioritat d'un daquòs non brevetat compta pas. Fa 40 ans, la SNCF faguèt un procès a un bar que s'apelava Corail et qu'existissiá dempuèi plan mai de temps que los trens Corails. E calguèt que se desbaptizèsse.
Per tornar a aquela societat americana, pòt pas ganhar lo procès : los crocodils se semblan pas mai que la Vache qui rit sembla Clarabelle Disney.
E faràn un procès a Lacoste tanben ? Lo crocodil de Nimes es plan mai ancian que los esclòps estatsunidencs ! Mas la macronalha e lors predecessors nos an fotuts dins las mans del drech del comèrci. Mercé a eles e a la globalizacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari