Actualitats
Las milícias anarquistas que combaton en Ucraïna
Fòrça combatents son de russes que fugisson la repression de Putin per tal de combatre l’imperialisme
Tèxte legit
De milícias anarquistas combaton en Ucraïna. Formadas de pichons grops autonòms, amassan de material e d’aliments, s’organizan per ajudar los refugiats e tanben luchan amb l’armada ucraïnesa contra l’invasion russa, çò rapòrta Directa. Se tracta de grops coma Black Headquarter, Rev Jorn o Black Flag que participan al conflicte dempuèi 2014, siá amb las Unitats de Defensa Territoriala sortidas de la populacion civila, siá incorporadas al comandament de l’armada ucraïnesa.
Fòrça combatents anarquistas son russes. D’unes avián fugit fa d’annadas la repression de Putin, d’autres arribèron fa gaire per fin de combatre l’imperialisme rus. Un fenomèn curiós, se prenèm en compte que la propaganda russa justifica dempuèi longtemps lo conflicte en Donbass coma un combat antifaissista contra un govèrn que lo sostenon de nazis. Ça que la, cal prene en compte que dins las darrièras annadas los movements socials son perseguits en Russia e la majoritat de las organizacions criticas envèrs lo govèrn an degut fugir o ben agir en la clandestinitat mai absoluda.
Una autra de las rasons que las evòca lo reportatge de Directa es que los anarquistas sabon qu’una ocupacion russa d’Ucraïna portariá un regim dictatorial. Cal considerar qu’Ucraïna a tengut, dempuèi son independéncia en 1991, de govèrns populistas e oligarquics, mas i a totjorn cèrtas libertats qu’existisson pas en Russia. En consequéncia, maites anarquistas se recòrdan de l’idèa de Bakunin que considerava que “la Republica mai imperfiècha val mila còps mai que la Monarquia mai esclairada”.
Pels anarquistas, una ocupacion russa d’Ucraïna causariá una davalada de las libertats dins lo Mond entièr e un ponch de non-retorn de las politicas expansionistas russas. Creson qu’una victòria russa fariá aumentar lo patriotisme imperialista pertot.
De neonazis dins l’armada ucraïnesa
La participacion de grops neonazis dins l’armada ucraïnesa, ça que la, es quicòm de plan inquietant. Pasmens, los milicians anarquistas considèran qu’aquela guèrra non es pas un conflicte entre doas armadas faissistas. Al contrari, de participar amb Ucraïna es per eles una escasença per s’entraversar en l’exaltacion nacionalista e èsser visibles pel pòble.
D’autre caire, pensan que la creacion de la milícia anarquista es tanben indispensabla en cas de victòria russa, car la seguida seriá una guèrra de guerrilha, coma se passèt en Chechenia.
De legir sus Directa: Front anarquista contra Putin a Rússia i Ucraïna
(o ben sa traduccion automatica en occitan)
Fòrça combatents anarquistas son russes. D’unes avián fugit fa d’annadas la repression de Putin, d’autres arribèron fa gaire per fin de combatre l’imperialisme rus. Un fenomèn curiós, se prenèm en compte que la propaganda russa justifica dempuèi longtemps lo conflicte en Donbass coma un combat antifaissista contra un govèrn que lo sostenon de nazis. Ça que la, cal prene en compte que dins las darrièras annadas los movements socials son perseguits en Russia e la majoritat de las organizacions criticas envèrs lo govèrn an degut fugir o ben agir en la clandestinitat mai absoluda.
Una autra de las rasons que las evòca lo reportatge de Directa es que los anarquistas sabon qu’una ocupacion russa d’Ucraïna portariá un regim dictatorial. Cal considerar qu’Ucraïna a tengut, dempuèi son independéncia en 1991, de govèrns populistas e oligarquics, mas i a totjorn cèrtas libertats qu’existisson pas en Russia. En consequéncia, maites anarquistas se recòrdan de l’idèa de Bakunin que considerava que “la Republica mai imperfiècha val mila còps mai que la Monarquia mai esclairada”.
Pels anarquistas, una ocupacion russa d’Ucraïna causariá una davalada de las libertats dins lo Mond entièr e un ponch de non-retorn de las politicas expansionistas russas. Creson qu’una victòria russa fariá aumentar lo patriotisme imperialista pertot.
De neonazis dins l’armada ucraïnesa
La participacion de grops neonazis dins l’armada ucraïnesa, ça que la, es quicòm de plan inquietant. Pasmens, los milicians anarquistas considèran qu’aquela guèrra non es pas un conflicte entre doas armadas faissistas. Al contrari, de participar amb Ucraïna es per eles una escasença per s’entraversar en l’exaltacion nacionalista e èsser visibles pel pòble.
D’autre caire, pensan que la creacion de la milícia anarquista es tanben indispensabla en cas de victòria russa, car la seguida seriá una guèrra de guerrilha, coma se passèt en Chechenia.
De legir sus Directa: Front anarquista contra Putin a Rússia i Ucraïna
(o ben sa traduccion automatica en occitan)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visiblament, los enfants del Batko non son totes mòrts. E la bandièra negra ne vòl parlar. Mas qu'es aquela autra bandièra, blava roja sus la fotografia ? Son del sosten al Barça ?
#1 Makhnovtchina, Makhnovtchina,
Tes drapeaux sont noirs dans le vent
Urosament, i a mai que los anarquistas per combatre l'imperialisme rus.
E los nazís, francament, es de folclòr. Es normal que los ucraïneses ajan gardat un relatiu bon sovenir de l'ocupacion alemanda, perqué faguèt fugir lors enemics piègers, los russes e los comunistas, 10 ans après Holodomor. Es un pauc coma nosauts excusam los comunistas del PCF perqué combatèron contra los alemands. Empacha pas que la majoritat dels ucraïneses comprenguèt a l'epòca que los nazís valián a pena milhor per els que lo PCUS.
L'impression generala que gardi de la guèrra actuala es que la màger partida dels ucraïneses son de monde senats, pas d'extremistas d'esquèrra o de dreta (en tot cas, semblariá que n'i agèsse pas tant qu'en França). Coneissiam pas los ucraïneses e lo monde s'imaginavan qu'èran un pauc coma de russes ambe de pichonas diferéncias. E avèm descobèrt un pòble que nos dona tots los motius d'admiracion.
Òsca ! La lucha serà internacionala o serà pas ! Coma en Espanha en 1936 e mai que mai en Catalonha, coma au Chiapas, coma au Rojava, leis anarquistas son en promiera linha dins la lucha per la libertat dei pòples, còntra l'esplecha e per la libertat ! Nos podèm recordar de la lucha menada per Macno en 1917 en Ucraïna "còntra lei roges e lei blancs" coma ditz la canson...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari