#15 L'abstencion es estada del 26%, siá un pauc mai de 12 800 000 de ciutadans qu'an refusat de causir entre de mèrda o de mèrda. Marcon a tocat 9 783 058 inscrits e Le Pen 8 133 828 sonque. Siá, en tot qualques 17 916 886 votants. Amb aqueles dos mariòls, sèm encara fòrça luènh del nombre de 24 350 000 que representariá la mitat dels inscirts. Plan luènh ne sèm ! La larga majoritat dels inscirts non vòl ni d'un, ni de l'autre, a l'evidéncia, e o a exprimit d'un biais, en votant, o de l'autre, en refusant de votar.

Qui es majoritari ? Es a dire, qui a mai de la mitat dels inscirts amb el, tre lo primièr torn per legitimament pretendre : "Representi ideologicament la majoritat dels inscrits ?" Degun ! Ont la vesètz, aquí, la democracia ?

Passe Macron, al segon torn, non representarà ideologicament que 20% de l'efectiu total dels inscrits, e mai s'obten fin finala mai de gents favorables a la pèsta ultraliberala qu'al colerà ultradreitista estricte… Al plan ideologic, al plan de la gestion de la societat, tot aquò non es qu'enfumatge.

Majoritàriament, non volèm mai del neoliberalisme, ni de l'ultraliberalisme, e mens encara d'una extrèma-dreita racista. Quand avèm votat a esquèrra, de neoliberalisme estèrle e crestador, ne nos an fotut encara mai (Cf. Hollande "Mon ennemi c'est la finance", te crèsi tè !) : ont la vesètz, vos, la causida del pòble ? Amb unes o amb los autres, la nos fasèm metre sistematicament.

Per o far cort, I inscrit sus 5 a causit Marcon, I autre sus 5 a causit Le Pen. A l'arribada, serà o Marcon o Le Pen : qué ne pensan 3 inscrits sus 5 ? La meteissa causa qu'aqueles estudiants…

E non vos la conti se i ajustam unas consideracions occitanistas de diversitat culturala… Çò de qué aqueles braves e joves sorbonards se devon chautar ben pro, supausi !

#15 Son contra la causida que la partida del pòble qu'a votat, sonque, a causit. A ieu, s'òm me dona a causir sonque entre de mèrde e de somission, o ben d'autra mèrda e d'autra somission, non me desplaci mai…

#13 Lo tèxte es clar çaquelà, solament abans de respondre cal legir. Son contra la causida que lo pòble faguèt, que metèt davant Macron e Le Pen, en eliminant los extremistas d'esquèrra.
Son de monde que respèctan la volontat del pòble quand va dins lor sens, quand lo resultat es decidit per avança. Lor concepcion de la democracia es potiniana (o chavista, o leninista, s'aimatz mai).
E pel « paure Tsipras », francament ! Los grècs èran plan contents de la finança quand lor nivèl de vida aviá pas res a veire ambe l'activitat economica, solament, quand la consequéncia logica arriba, la sola possibilitat racionala es de gerir l'austeritat. Lo que se fa elegir en disent lo contrari es un messorguièr.

500 manifestants a Monpelhièr, 300 a Tolosa... MDR ! çò rassegurant, fin finala, en Occitània lo monde se mobilisa plan mai per aparar la lenga occitana que non pas per contestar l'eleccion del Rei de França.

#8 Caldriá verificar, abans de los criticar, se "contra lo sufragi universal", coma o pretendètz, e se son contra "las eleccions presidencials". Sabètz, "eleccions, trapèla a colhans !"…

Vòli ben anar votar, ieu, per de leis (o contra, segon las leis somesas al sufragi universal". E mai vòli ben i tornar cada dimècres, s'o cal.

Mas non vòli mai anar votar per d'arlèris merçorguièrs e cinics qu'a l'arribada, un còp elegits, non representaràn mai qu'eles-meteisses e lor provesèires de fonses de campanha electorala… o, se que non, se tretrobaràn despoderat per la finançalha internacionala, coma lo paure Alexis Tsipras dins la quita tèrra maire de las democracias.