capçalera campanha

Actualitats

CulturaIstòriaSciéncia

Estudiaràn a Tolosa l’estranh sarcofag trobat dins la catedrala de París

Es de plomb, a la forma d’un còrs e èra enterrat a 20 mètres jos la crosièra del transèpte, lo sit de sepultura mai desirat

Tèxte legit

Lo misteriós sarcofag trobat dins la catedrala de París l’enviaràn lèu a l’institut medicolegal de Tolosa per que siá analizat. La restauracion d’aquel santuari, destruch fa tres ans per un incendi, a permés als arqueològs de trobar de tesaurs insolits dont un misteriós sarcofag de plomb, enterrat 20 mètres jos la crosièra del transèpte, lo sit de sepultura mai desirat. Lo retirèron dimars e es depausat dins un luòc securizat en esperant d’èsser mandat a Tolosa, çò a dich dins una conferéncia de premsa l’INRAP (l’Institut de Recèrcas Arqueologicas Preventivas).
 
Los expèrts creson que l’enterrament data del sègle XIV, mas en tot cas es una sepultura fòrça rara. Una camèra endoscopica a permés una primièra exploracion de l'interior del sarcofag, sens lo dobrir: la part nauta dels ossaments del defunt, de rèstas de vegetals jos son cap, benlèu de pels, de textil e d’autres objèctes non encara identificats.
 
L’interès arqueologic es màger e lo còrs serà examinat en respectant las leis francesas pertocant las rèstas umanas. Puèi, tanlèu estudiat, serà tornat non pas coma objècte arqueologic mas puslèu antropologic, e serà sepelit.
 
 
 


abonar los amics de Jornalet
 

 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article