Actualitats
Es Pascas, Pessah e lo Ramadan
Las tres celebracions màgers del cristianisme, del judaïsme e de l’islam coïncidisson aperaquí cada trenta ans
Tèxte legit
Pascas, Pessah e lo Ramadan se festejan ongan simultanèament. Se passa aperaquí cada tres decennis que las tres celebracions màgers del cristianisme, del judaïsme e de l’islam coïncidisson.
Uèi, dimenge de Pascas, la tradicion crestiana festeja la resurreccion de Jèsus. Las commemoracions comencèron dijòus per se recordar del sopar ont s’establiguèt l’eucaristia e contunhèron divendres per se ramentar de sa crucifixion. Aquel meteis divendres, los josieus festejavan la velha de Pessah en tot se remembrar de l’exòde del pòble ebrieu d’Egipte e la fin de son esclavatge, del temps que los musulmans festejavan lo segond divendres de Ramadan, lo mes de june, de pregàrias e de celebracions en comun, que comencèt lo 2 d’abril passat e que finirà lo 2 de mai.
Pesah o "la Pasca josieva", es a l’origina del mot Pascas. Los josieus se remembran de lor liberacion d’Egipte. Las fèstas començan lo 15 del mes de Nissan del calendièr lunosolar ebraïc e se debanan pendent 7 jorns (o 8 pels josieus en diaspòra).
Los crestians commemòria la passion, la mòrt e la resurreccion de Jèsus, de Dijòus Sant a Diluns de Pascas, de datas que se tenon cada an entre març e abril segon un biais de calcular establit al concili de Nicèa.
Quant al Ramadan, es lo noven mes del calendièr lunar musulman ont los musulmans practican lo june de l’alba al solelh colc e una tièra d’activitats tradicionalas e religiosas. Los darrièrs jorns e l’endeman del Ramadan son de jorns de jòia, de portar de vestits nòus e d’ofrir de presents als mai pichons.
Se crei que lo darrièr sopar de Jèsus se tenguèt un 14 de Nissan, a la velha de Pesah, mas a causa de la diferéncia dels calendièrs es pas frequent qu’aquela data tombe lo dijòus. De son latz, lo calendièr musulman compta 12 meses de 29 o 30 jorns; per tant, lo cicle de festivitats islamic se desplaça a respècte del calendièr gregorian, e cal esperar tres decennis per que las dates tornen coïncidir.
Uèi, dimenge de Pascas, la tradicion crestiana festeja la resurreccion de Jèsus. Las commemoracions comencèron dijòus per se recordar del sopar ont s’establiguèt l’eucaristia e contunhèron divendres per se ramentar de sa crucifixion. Aquel meteis divendres, los josieus festejavan la velha de Pessah en tot se remembrar de l’exòde del pòble ebrieu d’Egipte e la fin de son esclavatge, del temps que los musulmans festejavan lo segond divendres de Ramadan, lo mes de june, de pregàrias e de celebracions en comun, que comencèt lo 2 d’abril passat e que finirà lo 2 de mai.
Pesah o "la Pasca josieva", es a l’origina del mot Pascas. Los josieus se remembran de lor liberacion d’Egipte. Las fèstas començan lo 15 del mes de Nissan del calendièr lunosolar ebraïc e se debanan pendent 7 jorns (o 8 pels josieus en diaspòra).
Los crestians commemòria la passion, la mòrt e la resurreccion de Jèsus, de Dijòus Sant a Diluns de Pascas, de datas que se tenon cada an entre març e abril segon un biais de calcular establit al concili de Nicèa.
Quant al Ramadan, es lo noven mes del calendièr lunar musulman ont los musulmans practican lo june de l’alba al solelh colc e una tièra d’activitats tradicionalas e religiosas. Los darrièrs jorns e l’endeman del Ramadan son de jorns de jòia, de portar de vestits nòus e d’ofrir de presents als mai pichons.
Se crei que lo darrièr sopar de Jèsus se tenguèt un 14 de Nissan, a la velha de Pesah, mas a causa de la diferéncia dels calendièrs es pas frequent qu’aquela data tombe lo dijòus. De son latz, lo calendièr musulman compta 12 meses de 29 o 30 jorns; per tant, lo cicle de festivitats islamic se desplaça a respècte del calendièr gregorian, e cal esperar tres decennis per que las dates tornen coïncidir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 devètz pas legir Jornalet plan sovent...
https://www.jornalet.com/nova/14817/las-poetessas-occitanas-contempraneas-a-clarmond-ferrand
Me hè pensar que nos caleré un sistèma estandardizat de transcripcion de l'alfabet ebrieu (com en avem per los autes alfabets). Pesah es ua marrida transcripcion, quauquarren com Pessakh indicarie mélher la pronóncia, e serie mei coerent dab lo biaish de transcriure aqueth son en rus o en arabi.
(Mentre qu'en grèc, se transcriu ch, mes coneish mei d'ua pronóncia).
Vedi que mencionar las religions sus jornalet, provòca encuera hlamas... Es de dòu har, aquesta coïncidéncia èra aürosa. Mes peus ortodòxes, pascas es lo dimenge que ven, e soi pas segur qu'ua coïncidéncia sia possible aquí
#3 Vos cal cambiar de clucas !
"Ph'nglui mglw'nafh Cthulhu
R'lyeh wgah'nagl fhtagn" ...
Jornalet auria oblidat la filosofia aprenguda a l'escòla e qu'era censada remplaçat la religion? Au mens si avia un aspect un pauc critica!.
La religion que domina aura, en França e dins lo monde quò es lo bodisme e aquela venguda d'Asia.
Totas las religions serian las benvengudas mas totas se son bastitdas emben un discors de poderos, destinat a dominar lo monde subretot per la catolica. Aquela darriera religion quò es una man que fai la charitat, una autra man qu'es, emben la papautat, una banca internacionala.
Perqué avem besonh d'una religion? Tot simplament perque la filosofia materialista esplica pas tot, çò qu'es l'esprit, çò que nos permet de ressentir per lo còr delai çò que nòstres sens nos fan veire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari