Actualitats
Lo procuraire de París enquista sus Le Pen e Aliot per malversacion de fonzes
L’Ofici Antifrauda de l’UE los acusa d’aver malversat gaireben 486 000 èuros de fonzes de l’UE quand èran eurodeputats
Tèxte legit
Lo procuraire de París a dobèrt una enquista de malversacion de fonzes contra Marine Le Pen, candidata a l’Elisi, e contra Louis Aliot, cònsol màger de Perpinhan, après aver recebut d’informacions de Brussèlas.
L’Ofici Antifrauda de l’UE (OLAF) mandèt un rapòrt a París l’11 de març passat amb de pròvas qu’acusarián Le Pen e Aliot d’aver malversat gaireben 486 000 èuros de fonzes de l’UE quand èran eurodeputats. Le Pen o foguèt entre 2004 e 2017, e Aliot entre 2014 e 2017. A mai, se senhala Jean-Marie Le Pen, paire de Marine, e l’èx-vicepresident del partit, Bruno Gollnisch. Totes ensems aurián malversat 486 000 èuros que se paguèron a de fornidors pròches del partit d’extrèma drecha.
Un avocat de Le Pen, Rodolphe Bosselut, a rebutat l’acusacion sus Mediapart, e a avertit que se resèrvan lo drech d’entreprene d’accions legalas contra los ancians assistents o prestataris de servicis qu’aurián pogut malversat de fonzes a la dessaupuda de Le Pen. A mai, Bosselut a soslinhat que l’OLAF es pas una agéncia independenta e a criticat qu’aquelas informacions sián arribadas als mèdias solament una setmana abans lo segond torn de la presidenciala, que se tendrà dimenge que ven, 24 d’abril.
Es pas lo primièr còp que se denóncia Le Pen per una ipotetica malversacion de fonzes. Ja en 2017, tanben en temps d’eleccion presidenciala, se dobriguèt una enquista sus la sospiècha d’emplecs fictius dels assistents del partit ultrafrancista al Parlament Europèu.
Una tièra de conflictes amb lo Parlament Europèu
Es pas lo primièr conflicte que lo partit de Marine Le Pen ten amb l’eurocambra. En junh de 2018, la Cort de Justícia Generala de l’Union Europèa confirmèt que la cap del Recampament Nacional deviá tornar al Parlament Europèu 294 497,87 èuros pr’amor qu’aviá engatjat amb d’argent de l’UE un assistent que trabalhava pas per l’eurocambra.
En decembre de 2015, se deguèt explicar davant lo Parlament Europèu per fraudariá al vòte. L’afar se passèt en octòbre de 2015 dins l’encastre d’una sesilha longassa que los eurodeputats i examinavan d’emendaments un a un. Après doas oras, Marine Le Pen s’alassèt e quitèt l’emicicle, mas estranhament se contunhava d’enregistrar de vòtes en son nom.
Tanben a la prima de 2015, lo president de l’èurocambra d’alara, Martin Schulz, demandèt una enquista per l’engatjament de 20 assistents parlamentaris, qu’en realitat trabalhavan per las estructuras del Front Nacional a París. E en 2013, l’èurocambra levèt a Marine Le Pen son immunitat parlamentària perque lo ministèri public de Lion (Arpitània) aviá dobèrt una enquista contra ela per incitacion a l’òdi racial.
L’Ofici Antifrauda de l’UE (OLAF) mandèt un rapòrt a París l’11 de març passat amb de pròvas qu’acusarián Le Pen e Aliot d’aver malversat gaireben 486 000 èuros de fonzes de l’UE quand èran eurodeputats. Le Pen o foguèt entre 2004 e 2017, e Aliot entre 2014 e 2017. A mai, se senhala Jean-Marie Le Pen, paire de Marine, e l’èx-vicepresident del partit, Bruno Gollnisch. Totes ensems aurián malversat 486 000 èuros que se paguèron a de fornidors pròches del partit d’extrèma drecha.
Un avocat de Le Pen, Rodolphe Bosselut, a rebutat l’acusacion sus Mediapart, e a avertit que se resèrvan lo drech d’entreprene d’accions legalas contra los ancians assistents o prestataris de servicis qu’aurián pogut malversat de fonzes a la dessaupuda de Le Pen. A mai, Bosselut a soslinhat que l’OLAF es pas una agéncia independenta e a criticat qu’aquelas informacions sián arribadas als mèdias solament una setmana abans lo segond torn de la presidenciala, que se tendrà dimenge que ven, 24 d’abril.
Es pas lo primièr còp que se denóncia Le Pen per una ipotetica malversacion de fonzes. Ja en 2017, tanben en temps d’eleccion presidenciala, se dobriguèt una enquista sus la sospiècha d’emplecs fictius dels assistents del partit ultrafrancista al Parlament Europèu.
Una tièra de conflictes amb lo Parlament Europèu
Es pas lo primièr conflicte que lo partit de Marine Le Pen ten amb l’eurocambra. En junh de 2018, la Cort de Justícia Generala de l’Union Europèa confirmèt que la cap del Recampament Nacional deviá tornar al Parlament Europèu 294 497,87 èuros pr’amor qu’aviá engatjat amb d’argent de l’UE un assistent que trabalhava pas per l’eurocambra.
En decembre de 2015, se deguèt explicar davant lo Parlament Europèu per fraudariá al vòte. L’afar se passèt en octòbre de 2015 dins l’encastre d’una sesilha longassa que los eurodeputats i examinavan d’emendaments un a un. Après doas oras, Marine Le Pen s’alassèt e quitèt l’emicicle, mas estranhament se contunhava d’enregistrar de vòtes en son nom.
Tanben a la prima de 2015, lo president de l’èurocambra d’alara, Martin Schulz, demandèt una enquista per l’engatjament de 20 assistents parlamentaris, qu’en realitat trabalhavan per las estructuras del Front Nacional a París. E en 2013, l’èurocambra levèt a Marine Le Pen son immunitat parlamentària perque lo ministèri public de Lion (Arpitània) aviá dobèrt una enquista contra ela per incitacion a l’òdi racial.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò valiá ben un article dinc lo gauchista Jornlet !
#3 Tot levat la dreita e l'esquèrra, l'ultradreita e l'ultra-esquèrra autoritaristas ! Tot, a despart de l'autoritarisme cultual, cultural e/o financièr ! Aital farà plan mens d'escobilhas mediaticas coa las que nos vòlon veire causir, entre quatre o cinc faisses de fem…
Tot levat de l'arlèri Macron !
E aquel procuraire podria pas TANBEN s'entrevar uèi de l'afar Benalla ?
Lo procuraire de Paris es pus rapide per enquetsar sur Marine Le Pen que sur los ministres de Macron!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari