Actualitats
De jornalistas de Novaya Gazeta an lançat una nòva edicion europèa del jornal
Lo jornal, dirigit pel prèmi Nobel de la patz Dmitri Muratov, aviá anonciat a la fin de març l’acabada de son activitat a causa de la censura del Kremlin
Tèxte legit
Lo 28 de març passat, Novaya Gazeta publiquèt sa darrièra edicion. Lo darrièr jornal independent de Russia anonciava l’arrèst temporari de son activitat en seguida dels avertiments del Roskomnadzor. Ara, lo jornal a començada una nòva estapa, se nomena Novaya Gazeta Europa e sa redaccion serà establida, per ara, a Riga (Letònia). “Cresèm que degun pòt pas eliminar un jornal amb tanta istòria. Volèm tornar far nòstre trabalh a Moscòu, mas tanben sabèm qu’avèm de legeires dins lo Mond entièr qu’espèran d’informacions verificadas sus tot çò que se passa”, çò ditz un comunicat de premsa del jornal signat per l’adjonch al director, Kiril Martinov.
Segon lo comunicat, per evitar de possiblas represalhas, la publicacion se presenta coma un projècte independent de Novaya Gazeta. Ça que la, los responsables remarcan que los dos jornals partejan de valors e de critèris. “Cobrirem de nòvas internacionalas e russas per las gents que legisson en rus e que partejan las valors europèas”, çò ditz Martinov.
Muratov agarrit
Lo director de Novaya Gazeta es Dmitri Muratov, laureat del prèmi Nobel de la patz. El patiguèt una agression fa qualques jorns quand viatjava en tren dins lo sud de Russia. L’assalhidor li lancèt un ferrat de pintura roja dessús mentre que criadava “per nòstres gojats”, en referéncia als soldats russes que son en Ucraïna.
De soslinhar que los jornalistas de Novaya Gazeta an patidas de menaças e de pressions constantas pendent los govèrns de Putin. Dempuèi 2001 son estats assassinats sièis jornalistas d’aquel jornal qu’avián publicadas d’enquistas criticas envèrs lo Kremlin. La darrièra victima ne foguèt Anna Politkovskaya, reconeguda per sas enquistas sus la guèrra de Chechenia e las politicas de Putin. Politkovskaya subiguèt un simulacre d’execucion, foguèt empoisonada e moriguèt fin finala fusilhada dins l’ascensor en cò sieu.
Segon lo comunicat, per evitar de possiblas represalhas, la publicacion se presenta coma un projècte independent de Novaya Gazeta. Ça que la, los responsables remarcan que los dos jornals partejan de valors e de critèris. “Cobrirem de nòvas internacionalas e russas per las gents que legisson en rus e que partejan las valors europèas”, çò ditz Martinov.
Muratov agarrit
Lo director de Novaya Gazeta es Dmitri Muratov, laureat del prèmi Nobel de la patz. El patiguèt una agression fa qualques jorns quand viatjava en tren dins lo sud de Russia. L’assalhidor li lancèt un ferrat de pintura roja dessús mentre que criadava “per nòstres gojats”, en referéncia als soldats russes que son en Ucraïna.
De soslinhar que los jornalistas de Novaya Gazeta an patidas de menaças e de pressions constantas pendent los govèrns de Putin. Dempuèi 2001 son estats assassinats sièis jornalistas d’aquel jornal qu’avián publicadas d’enquistas criticas envèrs lo Kremlin. La darrièra victima ne foguèt Anna Politkovskaya, reconeguda per sas enquistas sus la guèrra de Chechenia e las politicas de Putin. Politkovskaya subiguèt un simulacre d’execucion, foguèt empoisonada e moriguèt fin finala fusilhada dins l’ascensor en cò sieu.
Novaya Gazeta Europe is brought to you by independent Russian reporters who continue their work despite Putin’s crackdown on independent media outlets.
— Novaya Gazeta. Europe (@novayagazeta_en) April 11, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una nòva edicion ? Deu èsser de rus. Los occitans disem una novèla edicion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari