Qu’an encargat l’InÒc Aquitània d’arrevirar los panèus de presentacion d’aquera mustra bilingua francés-occitan. Qu’i pòden véder manuscrits illustrats e enluminats com lo famós Libre de caça, teishuts preciós, objèctes d’art e d’orfebreria, esculturas, documents d’archius qui evòcan aquera figura màger de l’istòria deu sègle XIV.

Dab la Guèrra de Cent Ans qui èra lo contèxte politic d’aqueras òras e dens l’esperit trobadorenc qui senhorejava per alavetz sus la cort de Foish-Bearn, la mustra que desvela las diferentas facetas d’aqueth illustre capdau bearnés.

 

Aquera mustra qu’ei organizada peu Musèu nacionau deu castèth de Pau, lo musèu de Cluny-Musèu nacionau de l’Edat mejana, la Bibliotèca nacionau de França e la Rmn – Grand-Palais. Comissariat: Paul Mironneau, director deu Musèu nacionau deu castèth de Pau. Sostien de "la Macif, la cultura entà tots".

 

Entà preparar e acompanhar la visita, que trobaratz ací ua mustra multimèdia e mei d’indicas sus la programacion qui va dab la mustra.