Lo quotidian occitan en linha se presentèt a la calandreta de Carcassona e a l’Ostal de Cabardés en Argon
De matin es la Calandreta Puèg Marin de Carcassona que reçaupèt Ferriol Macip Bonet, lo cap redactor e Gerard-Joan Barceló lo corrector lingüistic
Lo 19 d’abriu Jornalet se venguèt presentar en Carcassés e Cabardés. A tres oras de l’après-dinnar, es la calandreta Puèg Marin de Carcassona que reçaupèt Ferriol Macip Bonet, lo cap-redactor, e Gerard Joan Barceló lo corrector lingüistic. Doas classas de CM escotèron amb interès las explicacions donadas e pausèron de questions fòrça pertinentas sul foncionament de Jornalet. Un diaporama preparat per la còla de Jornalet ajudèt a la compreneson dels escolans.
Foguèron espantats de veire lo tablèu de son audiéncia e de comprene que Jornalet èra vist dins lo Mond entier (levadas 3 pichòtas zònas)
En fin d’après-dinnar es a Argon, vilatge de Cabardés, que se tenguèt un rescontre organizat per l’associacion “Fasètz la lenga en cabardés” e l’IEO 11, per festejar lo 10n anniversari de Jornalet.
Un temps convivial agradiu seguiguèt lo rescontre.
Aquelas intervencions son benvengudas per faire conèisser lo mèdia occitan.
TèVéÒc filmèt las doas intervencions e una emission sortirà en mai, ajudant ansin a la comunicacion de Jornalet. Coma totes los mèdias occitans, Jornalet òbra per la defensa e la promocion de l’occitan e de la cultura occitanas.
En fin d’après dinnar es a Argon, vilatge de Cabardés que se tenguèt un rescontre organizat per l’associacion “Fasètz la lenga en cabardés” e l’IEO 11
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un beròi article en basco dens mediabask suus 10 ans de Jornalet:
https://www.naiz.eus/eu/hemeroteca/gaur8/editions/gaur8_2022-04-09-07-00/hemeroteca_articles/jornalet-hedabideak-hamar-urte-bete-ditu-okzitanierazko-erreferente-informatibo-gisa..
Que i ei mentavut que legedors de Jornalet be se n'i tròba tanben en Bascoat... e que l'occitan e's practica en Baish Ador.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Un beròi article en basco dens mediabask suus 10 ans de Jornalet:
https://www.naiz.eus/eu/hemeroteca/gaur8/editions/gaur8_2022-04-09-07-00/hemeroteca_articles/jornalet-hedabideak-hamar-urte-bete-ditu-okzitanierazko-erreferente-informatibo-gisa..
Que i ei mentavut que legedors de Jornalet be se n'i tròba tanben en Bascoat... e que l'occitan e's practica en Baish Ador.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari