capçalera campanha

Actualitats

EnvironamentInternacionalPoliticaSocietat

Nigèria: almens 110 mòrts dins l’explosion d’una rafinariá illegala de petròli

Aqueles sits illegals son perilhoses per las personas qu’ i trabalhan e per l’environament, e mai fan pèrdre al país lo 10% de sa produccion de petròli

| REUTERS/Tife Owolabi

Tèxte legit

L’explosion d’una rafinariá illegala de petròli dins lo sud-èst de Nigèria a daissat almens 110 mòrts segon lo darrièr bilanç oficial. Es pas lo primièr còp que lo país viu una tragèdia d’aquelas caracteristicas. Sabèm pas lo nombre de personas nafradas, mas si que totplen son espitalizadas en estat grèu. Los còrses cremats de las victimas son estats trobats escampilhats dins la forèst. Tanben s’es mes fuòc a divèrsas veituras de mond qu’anavan sul sit per crompar de carburant.
 
Pel president del país, Muhammadu Buhari, es una “catastròfa” e mai “un desastre nacional”. A anonciat que durciriá la repression contra las rafinariás illegalas.
 
De fach, lo govèrn nigerian aviá avertit divèrses còps qu’aquelas rafinariás illegalas son perilhosas per las personas qu’i trabalhan e tanben per l’environament, pr’amor qu’escampan de brut sus las tèrras cultivablas e dins los rius. A mai, aquela produccion illegala fa perdre al país una mejana de 200 000 barrils de petròli cada jorn, çò qu’equival al 10% de la produccion de tot l’estat. De solinhar que Nigèria es lo productor de petròli pus important d’Africa.
 
En octòbre passat, moriguèron almens 25 personas, compreses qualques enfants, dins una explosion e un incendi d’una autra rafineriá illegala.
 

 
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article