Actualitats
L’abstencion activa de Joan de Lassala jutjada pel Conselh Constitucional
L’elegit occitan a mes en scèna son abstencion dins lo burèu de vòte dins un vidèo difusat sus Twitter
Tèxte legit
L’abstencion activa de Joan de Lassala al segond torn de las eleccions presidencialas fa parlar. D’un caire, la comission estatala del contraròtle de la campanha presidenciala a sasit lo Conselh Consticional per “l’incident màger”causat pel politician bearnés, çò rapòrta France Info, e d’autre caire Lassala s’es fach insultar suls rets socials per de personalitats mediaticas parisencas, çò rapòrta La Dépêche.
Dins un vidèo difusat sus sos comptes de Twitter e de Facebook, Joan de Lassala met en scèna son abstencion activa: i mòstra cossí intra dins lo burèu de vòte, pren dos bulletins e una envolopa e se’n va dins l’isolador. Puèi, quand se sarra de l’urna per depausar son vòte, ditz a la camèra que refusa de votar. “Peth prumèr còp de la mia vita d’òme, aquí dens aquesta comuna, que vau pausar un deths actes mei importants de la mia vita, qu’arrefusi de participar a aquest vòte, que m’absteni”.
Aquel biais de s’absténer es, totun, contestat pel còde electoral qu’enebís “tota discussion o deliberacion dels electors dins los burèus de vòte”. Deman dimècres se coneisserà lo verdicte del Conselh Constitucional.
https://twitter.com/jeanlassalle/status/1518185728848666624
Dins un vidèo difusat sus sos comptes de Twitter e de Facebook, Joan de Lassala met en scèna son abstencion activa: i mòstra cossí intra dins lo burèu de vòte, pren dos bulletins e una envolopa e se’n va dins l’isolador. Puèi, quand se sarra de l’urna per depausar son vòte, ditz a la camèra que refusa de votar. “Peth prumèr còp de la mia vita d’òme, aquí dens aquesta comuna, que vau pausar un deths actes mei importants de la mia vita, qu’arrefusi de participar a aquest vòte, que m’absteni”.
Aquel biais de s’absténer es, totun, contestat pel còde electoral qu’enebís “tota discussion o deliberacion dels electors dins los burèus de vòte”. Deman dimècres se coneisserà lo verdicte del Conselh Constitucional.
https://twitter.com/jeanlassalle/status/1518185728848666624
Abstentionniste.
— Jean Lassalle (@jeanlassalle) April 24, 2022
Les explications https://t.co/QoLouRgpa9pic.twitter.com/T24jx6vl4s
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S’absténer es una causa, teatralizar son abstencion es quicòm mai.
Joan Lassala a fach son numèro mediatic pacificament, mas poiriá balhar d’idèias a d’arlèris pus radicals.
Pichon a pichon los abstencionistas poirián far pression suls electors, pauc a pauc los menaçar, e dapasset abolir las eleccions que lor agradan pas. Dins de localitats ont tot lo monde se coneis es una possibilitat.
Respècti los abstencionistas ; ieu vòti pas gaire, mas ne fau pas un formatge.
Se veniá la mòda d’escarnir los que vòtan, tornariá un temps aule.
Urosament, ne sèm pas aquí.
#2#4 Vertat , s'abstener es devengut per ieu coma a gaireben 30 per cent dels votants una simpla formalitat que pausa cap problèma quand avètz a causir entre bonèta blanca e blanca bonèta. Lo diputat Lassala participa tanben a n aquel circ mediatico-politic qu 'es vengut voide de sens. La revòlta qu'escobarà tota aquò tardarà pas e serà pièger qu'aquela dels gilets jaunes, veirètz.
Es vertat que çò que faguèt lo sénher La Sala es plan pièger que los comptes de campanha del Sarkozy o las prestacions de servici a gratis de Mc Kinsey a Macron contra contrapartida de conselhs plan remunerats pel borson dels franceses.
L'òme aguèt de coratge dins aquela republica banièra que nos porgirà una majoritat a l'amassada per un president que la majoritat dels electors asiran.
De remarcar que de comentators de La Dépêche van a la seguida de la parisencalha per insultar lo deputat.
E ben per los far marronar encara mai, de senhalar, coma lo Canard Enchaîné, que Joan La Sala faguèt mai de voses que lo tartufa Rossèl e la paura Hidalgo. Alara, es plan mens piòt que çò que ditz la mediasfèra. L'ai pas votat, mas solide que umanament val mai que los dos finalistas de la Copa de França de l'Elisèu.
E parlant d'Elisèu, una de Élysée Reclus, geografe de tria, comunard eroïc. Disiá, lo de Santa Fe :
"Voter, c'est abdiquer."
Santat !
Es vertat que çò que faguèt lo sénher La Sala es plan pièger que los comptes de campanha del Sarkozy o las prestacio s de sedrvici a gratis de Mc Kinsey a Macron contra contrapartida de conselhs plan remuerats pel borson dels franceses.
L'òme aguèt de coratge dins aquela republica banièra que nos porgirà una majoritat a l'amassada per un president que la majoritat dels electors asiran.
De remarcar que de comentators de La Dépêche van a la seguida de la parisencalha per insultar lo deputat.
E mer los far marronar encara mai, de senhalar, coma lo Canard Enchaîné, que Joan La Sala faguèt mai de voses que lo tartufa Rossèl e la paura Hidalgo. Alara, es plan mens piòt que çò que ditz la mediasfèra. L'
Vòli díder
#3 Ardiòs
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari