Diluns e dimars passats aguèron luòc tres explosions en Transnístria, una dins una bastissa governamentala e doas dins l’aerodròm de Tiraspòl. Las autoritats d’aquesta vila an activat l’alèrta terrorista e soslinhan que los atacs los aurián faches de personas sortidas d’Ucraïna. Segon las autoritats de Moldàvia e d’Ucraïna, son d’atacs de falsa bandièra per justificar un nòu front de guèrra. D’efièch, Moscòu reconeguèt la setmana passada que son intencion èra d’ocupar tot Donbass e lo jónher amb Crimèa e Transnístria.
 
De son caire, la presidenta de Moldàvia, Maia Sandu, a condemnat tota temptativa de destabilizar la region, e a assegurat que prendriá las mesuras necessàrias per evitar una escalada militara. Ela assolida que los atacs los an faches “de gropuscles pròguèrra” de Transnístria.
 
Quant a Russia, lo pòrtavotz del Kremlin, Dmitri Peskov, a explicat dins una conferéncia de premsa que lo govèrn de Vladimir Putin seguís amb fòrça chepic los incidents, e a confirmat qu’es pas previst cap de contacte entre Putin e Sandu.
 
Transnístria es una estrechissima republica que se proclamèt independenta de Moldàvia en 1990 mas qu’es solament reconeguda per Abcazia e per l’Ossetia Meridionala. Se declara russofòna e vòl far partida de Russia.


 

#Moldova Update:#Russian forces likely conducted additional false flag attacks in #Transnistria on April 25-26. This is consistent with earlier reports that the airbase at #Tiraspol was likely preparing for Russian aircraft on April 6 and 7.https://t.co/708vtBL0tZpic.twitter.com/kuOw4MSPm6

— ISW (@TheStudyofWar) April 26, 2022

 

UCRAINA | Diverse esplosioni sono state udite nei pressi dell'edificio che ospita il ministero per la Sicurezza statale a Tiraspol, in Transnistria, la regione separatista filorussa della Moldavia al confine con l'Ucraina. Lo riferiscono le tv locali #ANSAhttps://t.co/gcW6BIiGM0pic.twitter.com/DHtzOdFbzS

— Agenzia ANSA (@Agenzia_Ansa) April 25, 2022

 

Imatges en circulació de llargues cues de cotxes per sortir de #Transnístria en direcció #Moldàvia.pic.twitter.com/Yd034QzBc5

— El Geopolític (@ElGeopolitic) April 26, 2022