Actualitats
Catalangate: lo Parlament Europèu ne debatrà lo 4 de mai que ven
Mentretant, Madrid justifica l’espionatge dels elegits, avocats e jornalistas independentistas catalans
Tèxte legit
Lo 4 de mai que ven, lo Parlament Europèu debatrà dins una sesilha plenièra l’espionatge d’eurodeputats amb Pegasus per qualques estats, coma o a revelat l’escàndol del Catalangate. Lo debat se tendrà a la demanda dels deputats independentistas catalans victimas d’aquel espionatge. En mai d’aquò, la setmana passada, l’eurocambra avièt una comission d’enquista per metre en examen Pegasus e d'autres logicials d’espionatge: deu determinar se s’es transgredit la legislacion de l'Union Europèa e los dreches fondamentale. La comission a previst de presentar un rapòrt final d’aicí a un an.
Mentretant, al Congrès dels Deputats espanhòl, tres parlamentaris independentistas catalans seràn presents a la comission dels secrets oficials, ont fins ara lor preséncia èra enebida. Ça que la, los deputats espanholistas an justificat aquel espionatge, e tanben o a fach la ministra de la defensa espanhòla, Margarita Robles, en tot assegurar qu’un estat qu’un estat o deu far “quand qualqu’un manca a la Constitucion, quand qualqu’un declara l’independéncia...”. Mai enlà son anadas las paraulas de la ministra de la justícia, qu’a menaçat los independentistas en lor remembrant “l’exili e la repression”.
Lo jornal estatsunidenc The Washington Post exigís, dins un editorial fòrça dur, una condemnacion per la violacion flagranta de las libertats civilas a prepaus del Catalangate
Lo Catalangate
L’escàndol del Catalangate arribèt lo 18 d’abril passat amb la publicacion en primièra pagina dins lo setmanièr The New Yorker d’un bèl reportatge entitolat “Cossí las democracias espionan lors ciutadans”. Lo rapòrt, centrat suls marrits usatges faches per qualques estats del logicial israelian Pegasus, desvelava qu’una seissantena de politicians e jornalistas independentistas catalans èran estats espionats amb Pegasus, un logicial que dona als espions accès a tot lo contengut del telefonet e lor permet quitament d’activar a distància lo microfòn e la camèra, çò que faculta un espionatge considerable.
Demest los espionats i a l’actual president de la Generalitat e los tres precedents, dont Carles Puigdemont. L’article recòrda que Puigdemont es ara membre del comitat del Parlament Europèu que met en examen Pegasus. Justament, aquel comitat s’amassèt pel primièr còp dimars de la setmana passada.
La revista explica tanben que los independentistas catalans son, per ara, lo collectiu mai nombrós qu’aja patit una intrusion d’aquela sòrta. Tant los politicians catalans coma Citizen Lab son convencuts que l’espionatge es estat òbra del govèrn espanhòl. Pegasus es un logicial que solament lo pòdon crompar los govèrns.
Mentretant, al Congrès dels Deputats espanhòl, tres parlamentaris independentistas catalans seràn presents a la comission dels secrets oficials, ont fins ara lor preséncia èra enebida. Ça que la, los deputats espanholistas an justificat aquel espionatge, e tanben o a fach la ministra de la defensa espanhòla, Margarita Robles, en tot assegurar qu’un estat qu’un estat o deu far “quand qualqu’un manca a la Constitucion, quand qualqu’un declara l’independéncia...”. Mai enlà son anadas las paraulas de la ministra de la justícia, qu’a menaçat los independentistas en lor remembrant “l’exili e la repression”.
Lo jornal estatsunidenc The Washington Post exigís, dins un editorial fòrça dur, una condemnacion per la violacion flagranta de las libertats civilas a prepaus del Catalangate
Lo Catalangate
L’escàndol del Catalangate arribèt lo 18 d’abril passat amb la publicacion en primièra pagina dins lo setmanièr The New Yorker d’un bèl reportatge entitolat “Cossí las democracias espionan lors ciutadans”. Lo rapòrt, centrat suls marrits usatges faches per qualques estats del logicial israelian Pegasus, desvelava qu’una seissantena de politicians e jornalistas independentistas catalans èran estats espionats amb Pegasus, un logicial que dona als espions accès a tot lo contengut del telefonet e lor permet quitament d’activar a distància lo microfòn e la camèra, çò que faculta un espionatge considerable.
Demest los espionats i a l’actual president de la Generalitat e los tres precedents, dont Carles Puigdemont. L’article recòrda que Puigdemont es ara membre del comitat del Parlament Europèu que met en examen Pegasus. Justament, aquel comitat s’amassèt pel primièr còp dimars de la setmana passada.
La revista explica tanben que los independentistas catalans son, per ara, lo collectiu mai nombrós qu’aja patit una intrusion d’aquela sòrta. Tant los politicians catalans coma Citizen Lab son convencuts que l’espionatge es estat òbra del govèrn espanhòl. Pegasus es un logicial que solament lo pòdon crompar los govèrns.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mentretant se comença a descobrir (oficialament que ja se sabiá) que:
- lo Felipe Gonzalez, president del govèrn "socialista" de las annadas 80-90, donava d'informacions a la polícia argentina de la dictatura :
- lo Juan Carlos Ier foguèt sord a las demandas de las Madres de la Plaza de Mayo suls desapareguts de la dictatura argentina.
E pensar que lo primièr faguèt una virada en America latina per explicar lo modèl de "transicion democratica" en Espanha !
Lo sistèma espanhòl es poirit de la rasic, i a pas cap de dobte.
Quant al segond, esperam que la justícia britanica lo convòque al tribunal per que s'explique sus las comissions illegalas ligadas a la venda d'armas a Arabia Saodita (aquelas que servisson a massacrar de Iemenitas) qu'encaissèt.
Los deputats espanholistas an justificat aquel espionatge, e tanben o a fait la ministra de la defensa espanhòla, Margarita Robles, en tot assegurar qu’un estat o deu far “quand qualqu’un manca a la Constitucion, quand qualqu’un declara l’independéncia...”. Lo problèma, amb aiceste rasonament es que la "constitucion estatala (que siá francesa o espanhòla non es lo problèma) sembla fonccionar, dins l'imaginari dels politicians qu'o difusisson coma una mena de Charià, o de taulas mosaïcas dels 10 comandaments gravats per Dieu El-Meteis al som del Sinai.
Òr soi al regret de senhalar a aqueles mercants de parlejadas bufècas qu'una constitucion non a non non deu aver res per res de sacrat. Per definicion, çò "sacrat" es çò "que non pòt èsser tocat". Assajatz, per exemple, de "tocar Dieu"… Vos i podètz levar matin…
Una constitucion non es qu'un aplèit collectiu. E un aplèit, lo cal far servir, lo téner en man o lo sacar al borrièr (per ne préner una utre) se non foncciona plan coma cal…
Los umans que se referisson a una constitucion, l'escrivon eles-meteisses — sense Dieu — coma los libres pretenduts sacrats, d'alhors ! — e aquela constitucion lor deu donc servir d'aplèit per los ajudar a viure melhor amassa. La finalitat non es donc ni la constitucion, ni mens encara l'estat qu'aquela constitucion permet de definir per un temps, quin estat que siá ! La finalitat, es l'enveja qu'an d'umans de viure amassa, o non. E aquò es la soleta question que valga al davant de la rason, una "rason" que non a res a fotre ni d'un estat ni d'un autre. Lor ne fotriái ieu, de "rasons d'estat"… Parlas d'un enfumatge parlassièr !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari