Lo deputat leton Boriss Cilevičs a anonciat qu’èra a redigir un rapòrt sul compliment de l’estat espanhòl de las recomandacions qu’el meteis prepausèt en junh de 2021. Dins aquel rapòrt, aprovat pel Conselh d’Euròpa, se demandava la liberacion dels presonièrs politics catalans e lo retorn dels exiliats, lo retirament dels mandats d’arrèst europèus, la reforma del delicte de sedicion. Aquel rapòrt alavetz recomandava a las autoritats espanhòlas de “s’absténer d’exigir dels politicians catalans encarcerats que renegèsson lors opinions politicas prigondas en escambi d’un regim penitenciari favorable o una gràcia”.
 
Lo nòu rapòrt Cilevičs l’anoncièt a la fin d’un debat d’una ora e mièja al qual participèt lo defensor catalan dels dreches, Rafael Ribó, qu’avertiguèt qu’après lo rapòrt de junh passat s’èra constatat mai de repression, coma l’escàndol d’espionatge del Catalangate.