L’11a edicion del festenal Rescontre de vidèo e cinèma se tendrà lo 29 de mai venent a la Mediatèca de Margarida(Costièra de Nimes). Après l’interrupcion de la pandemia, lo festenal tornarà presentar los cortmetratges occitans de l’annada e mai. Lo festenal l'organiza TèVéÒc, qu’ongan festejarà son 10n anniversari.
 
Lo festenal presenta al public de documentaris, reportatges, diaporamas, animacions, clips musicals, etc., rodats en tota Occitània.




 

fffff		fffff
	TeVeÒc es una associacion creada a Nimes en 2012. Es productritz d’emissions, reportatges e filmes en occitan. “L’emission de 13 minutas, Lenga d’òc, es difusada sus TV Sud, Médias du sud, cada setmana; e lo sit ne presenta un trentenat en redifusion. Sul sit i a tota mena d’informacions e entresenhas”, çò explicava Lisa Gròs a Jornalet en tot precisar que “lo CIRDÒC presenta tanben sus Occitanica mai d’una emission e met en linha cada setmana la que sortís”. Las emissions de TeVeÒc se pòdon agachar dins la seccion de vidèo de Jornalet.