Actualitats
Carbona: lo festenal de roman policièr Empreinte Carbonne començarà ongan un rescontre literari en occitan
Lo festenal se tendrà del 12 al 16 de mai e i participan 34 escrivans de pertot. Per l’occitan es Florian Vernet que serà interrogat per Eric Fraj
Tèxte legit
Lo famós festenal literari internacional de roman policièr Empreinte Carbonne compren ongan un rescontre literari en occitan. Aital, lo 14 de mai que ven a Carbona (Volvèstre), Florian Vernet, autor de romans policièrs e fantastics, serà interrogat pel cantador carbonés Eric Fraj. De remarcar qu’aquel rescontre se farà en occitan sens traduccion simultanèa en tota normalitat occitanofòna.
L’Empreinte Carbonne se tendrà dins lo capluòc de Volvèstre del 12 al 16 de mai e convidarà 34 escrivans de pertot dins un programa fòrça ric cargat de rescontres amb los autors dins un encastre festiu e un decòr magnific, amb un Cluedo gigant organizat dins la vila, un grand jòc d’escapada, de cafès literaris, de taulas rondas, de cinèma, de teatre, una dictada negra... e, de segur, la remesa dels prèmis oficiala.
Mai d’informacion sus empreintecarbonne.fr
L’Empreinte Carbonne se tendrà dins lo capluòc de Volvèstre del 12 al 16 de mai e convidarà 34 escrivans de pertot dins un programa fòrça ric cargat de rescontres amb los autors dins un encastre festiu e un decòr magnific, amb un Cluedo gigant organizat dins la vila, un grand jòc d’escapada, de cafès literaris, de taulas rondas, de cinèma, de teatre, una dictada negra... e, de segur, la remesa dels prèmis oficiala.
Mai d’informacion sus empreintecarbonne.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Demest d'autres, amb lo Joan Ganhaire, las letras occitanas an un autor de romans policièrs de tria. Es un plaser vertadièr de legir e tornat legir las aventuras del comissari Darnauguilhem.
Botar l'occitan dens un eveniment culturau qu'es pas sus las lengas, es particularament una escaduda de las beròias. Es aquò que cau hèr. Òsca a tota la còla de Carbona !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari