Actualitats
Transnístria reclama la reconeissença pacifica de son independéncia
La region pròrussa de Moldàvia se proclamèt independenta en 1990 e es solament reconeguda per Abcazia e per l’Ossetia Meridionala
Tèxte legit
Lo president de Transnístria, Vadim Krasnoselski, reclamèt divendres la reconeissença pacifica e negociada de son independéncia a respècte de Moldàvia, mentre qu’aumentan las tensions en plena invasion d’Ucraïna. “Transnístria deu èsser e serà reconeguda, mas d’un biais pacific, a la taula de negociacions, a travèrs d’un dialòg. Lo procès deu èsser exclusivament democratic […], sens ostilitats ni mòrts”, çò diguèt.
Las paraulas de Krasnoselski arribèron un jorn après la declaracion de son ministre de l’exterior de la region, Vitali Ignatiev, que demandèt a Ucraïna e Moldàvia que prenguèsson “de decisions equilibradas” per far cessar las tensions.
Aquestes jorns, Transnístria es al centre de l’actualitat a causa de son ligam amb lo govèrn rus e de son importanta posicion geostrategica. D’explosions an resclantit, que d’unes denóncian coma d’atacs ucraïneses e d’autres coma d’atacs de falsa bandièra per justificar un nòu front de guèrra.
Transnístria es una estrechissima republica que se proclamèt independenta de Moldàvia en 1990 mas qu’es solament reconeguda per Abcazia e per l’Ossetia Meridionala. Se declara russofòna e vòl far partida de Russia.
Las paraulas de Krasnoselski arribèron un jorn après la declaracion de son ministre de l’exterior de la region, Vitali Ignatiev, que demandèt a Ucraïna e Moldàvia que prenguèsson “de decisions equilibradas” per far cessar las tensions.
Aquestes jorns, Transnístria es al centre de l’actualitat a causa de son ligam amb lo govèrn rus e de son importanta posicion geostrategica. D’explosions an resclantit, que d’unes denóncian coma d’atacs ucraïneses e d’autres coma d’atacs de falsa bandièra per justificar un nòu front de guèrra.
Transnístria es una estrechissima republica que se proclamèt independenta de Moldàvia en 1990 mas qu’es solament reconeguda per Abcazia e per l’Ossetia Meridionala. Se declara russofòna e vòl far partida de Russia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La republica del Dniestr a pas cap de legitimitat. Imaginatz una republica de Canjuers, o un Estat independent d'Avairon a l'entorn del camp de Larzac.
Coma de costuma, Potin aima plan fotre de rambalh, alucar de contra-fòcs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari