capçalera campanha

Actualitats

EconomiaLenga
crotz-tolosaCreated with Sketch.GasconhaVal d'Aran

Catalonha: ua publicitat en aranés ena television

Eth filmet pòrte eth messatge “Benvenguda era vida” e s’i enten era cançon omonima d’Alidé Sans

Tèxte legit

Era cadena de supermercats catalana Caprabo difon ua campanha de publicitat en occitan aranés enes televisions deth Principat de Catalonha. Er anonci hè part d’ua campanha de filmets sus es istòries desparières de quauques hemnes joenes entà mostrar era evolucion dera societat catalana pendent es darrèri ans. Eth darrèr d’aguesti filmets publicitaris conde ua istòria plan polida que se passe en Aran damb eth messatge “Benvenguda era vida” a on s’enten era cançon omonima d’Alidé Sans.
 
Ei eth prumèr viatge qu’ua entrepresa comerciau emplegue era lengua occitana entà hèr ua publicitat en Catalonha.

 




abonar los amics de Jornalet

 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Adrian
12.

E aquela publicitat es pas polida ?
 « Miquèl ! li sètz anats ? Lo coneissètz Miquèl ?
I trobaretz totjorn de solièrs e de sòcas
Que se chautan dels ròcs coma de las pajòcas ;
Un ostal ont seretz totjorn calçat nikèl !
E vòstre pè, qu’antan renava coma un carri,
Libre, a l’aise dirà « Qu’aqueste còp me carri ! »

Dins : En tutant lo grelh, Henri Mouly (sic), Editions Subervié, Rodez,1965.
A la pagina 171.









  • 1
  • 0
Ucraïna Ucraïna
11.

#1#2 Es vertat, JM Leclercq a rason. Se volèm que l'occitan siá una lenga normala, alavetz l'occitan se deu utilizar per parlar de causas de tota mena, e quitament per los supermercats.

  • 4
  • 0
Franc Bardòu
10.

"Benvenguda era vida" ? Ont vivon aqueles ? Al país dels potonorses ? Benvenduda la vida en tèrras neoliberalas ont los rics van sempre mai rics, e, per i pervenir, fan los paures sempre mai paures e mai umiliats… Parlas d'una misèria ! Non pòdi sofrir, ieu, la publicitat, nimai en occitan ! Mas enfin, al mens, aquò es de "lenga normala"…

  • 5
  • 1
Adrian
9.

#7 « Mammouth aima plan tota la familha ».
Afichas enòrmas e eslogan publicitari en occitan, a la ràdio, sus Tolosa a la debuta de las annadas setanta ; me permeti d’o mençonar. Aquel supermercat a cambiat de nom desempuèi e se trobava a Gramont dins l’airal tolosenc. Foguèt remarcat.
Sabèm tanben que d’uèi, d’unes supermercats en País d’òc an ensajat lo doble etiquetatge e la dobla senhaletica.
Se la lenga èra viva trobariam aicí e alà de monde motivats per la promòure, tanplan en Espanha coma en França, mas es a las escanas. Los comercials se’n mainan eles tanben, e daissan tombar un còp o l’autre.
Aquò dich, totas las iniciativas son planvengudas, podèm pas tròp nos permetre lo perfeccionisme, ne soi d’acòrdi.
Plan coralament .

  • 6
  • 0
Franc Bardòu
8.

#3 Ieu, d'esquerristas (vertadièrs, non pas neoliberals, plan segur…), es coma de paisans (e mai que mai amb pichonas espleitacions) : ne coneissi sonque de grands o d'immenses…

  • 5
  • 1

Escriu un comentari sus aqueste article