CAPÇALERA PAIS INVISIBLE

Actualitats

InternacionalPoliticaSocietat

Concèrt dels U2 dins lo mètro de Kyiiv

Après aquela suspresa solidària, Bono e The Edge se son gandits a Irpin, Borodianka e Bucha

| Valentyn Ogirenko / Reuters

Tèxte legit

Simpatica suspresa dels U2 dins lo mètro de Kyiiv. Lo celèbre grop irlandés prepausèt aquesta dimenjada un concèrt, coma gèst de solidaritat en un endrech que los ciutadans emplegan darrièrament coma refugi. L’eveniment se tenguèt dins un format minimalista dins lo qual lo cantador Bono e lo guitarrista The Edge interpretèron davant qualques desenas de personas de cançons coma Bloody Sunday o With or without you. A mai, cantèron la cançon de Ben E King Stand by me amb Taras Topolia, cantador del grop ucraïnés Antytila, amb una reïnterpretacion de las paraulas per demandar la solidaritat internacionala amb Ucraïna.
 
Après aquel concèrt, los U2 se gandiguèron dins tres vilas d’Ucraïna fòrça afectadas per la guèrra, Irpin, Borodianka e Bucha.
 
A Borodianka, Bono legiguèt un poèma del poèta ucraïnés Taras Shevchenko, al costat de son monument, e diguèt qu’aviá bon espèr que los joves de Russia se rendrián compte de çò que fa Putin, se rebellarián e lo fòrabandirián del Kremlin. A Bucha, vesitèron la fòssa comuna ont se localizèt de centenats de cadavres après la partença de l’armada russa.
 
Los U2 an explicat suls rets socials qu’an vesitat Ucraïna en seguida de la convidacion del president Volodimir Zelenski.

 
 

 
 
 
 

abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Claudi Balaguer Millars (Catalonha del Nòrd)
6.

#3 Adieu Domergue,
Coma ne parlèrem ja, la transcripcion que faguères dins l'encastre del CLO conven pas coma dins los cases de Sant Petersborg o Oral mas Putin que son en clara contradiccion... e cal pas parlar del mostràs Kyiiv que cap occitan sabria' prononciar quand una simplificacion Kyiv seria' probable plan preferibla. Ne parlèrem precisament fa pas gaire amb un amic que ne sap mai que ieu de rus e d'un fum d'autras lengas!
Slava Ukraini!

  • 0
  • 0
U2 (Literalament "Tu Quoque")
5.

E ara emai U2 ? Cap de dobte, Kiev es plan a mand de venir "the place to be" ( = l'endrech ont se mostrar) per la jet-set mondiala tota.

  • 0
  • 0
LECLERCQ Joan-Marc
4.

#3 Ac sabi, mes lo nom ucrainian es Київ, e aquesta letra "И" se pronóncia com una E o una É en occitan, par coma una È ni tampauc coma una I. Seré per guardar la prononcitacion que cau, que la Y n'a pas de prononciacion especifica en occitan.

  • 2
  • 0
Ucraïna Ucraïna
3.

#1 En occitan, i a de règlas per transcriure l'alfabet cirillic. Jornalet las aplica. Kyiiv es un nom ucraïnés e s'utiliza tal e qual en occitan.

  • 2
  • 0
Mai Republica es abordida mai legiférís !
2.

#1
https://www.francetvinfo.fr/monde/europe/manifestations-en-ukraine/kiev-ou-kyiv-pourquoi-cette-appellation-est-jugee-capitale-par-les-ukrainiens_4987929.html

  • 2
  • 0

Escriu un comentari sus aqueste article