capçalera campanha

Actualitats

InternacionalSocietat

D’hooligans israelians an provocat de rambalhs a Bilbao

Los ultras de l’Hapoel Holon ataquèron e destruguèron un bar del centre de Bilbao que teniá un drapèl palestinian

Tèxte legit

Los hooligans de l’esquipa de basquetbòl israelian Hapoel Holon provoquèron de rambalhs grèus la dimenjada passada a Bilbao (Bascoat), abans la partida que lor esquipa disputava contra l’MHP Riesen Ludwigsburg dins l’encastre de la Champions League de basquetbòl. D’imatges publicats suls rets socials mòstran cossí los suportaires israelians menaçan de mond dins lo centre de la vila e lor lançan de cadièras de la terrassa d’un bar.
 
Segon divèrses testimònis, los rambalhs comencèron quand los ultras israelians ataquèron un bar que teniá un drapèl palestinian, en espeçant las veirinas del local, destrusent la terrasa e cremant la bandièra.
 
A causa de la partida e de la preséncia d’un milièr de suportaires israelians, d’activistas pròpalestinians avián organizat una manifestacion de protèsta. Totun, los ultras empediguèron que lo cortègi se metèsse en marcha.
 




abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Dos pes doas mesuras ?
2.

#1 Avètz tras que rason. L'aisida excusa-joker de tratar sul pic d'antisemita tota critica del comportament d'arlèris israëlians comença aurosament d'aver de plomb dins l'ala.

  • 5
  • 0
Pitaluga
1.

Totes los hooligans son criticables, dròlle. Fòra d'aquestes se vòls pas passar per antisionista.

  • 7
  • 0

Escriu un comentari sus aqueste article