Actualitats
Sri Lanka: lo president a ordenat de dobrir lo fuòc contra los manifestants violents
Las protèstas antigovernamentals a Sri Lanka s’arrèstan mentre que l’illa patís una crisi economica grèva, amb una penúria de carburants, de noiridura e de medicaments
Tèxte legit
Lo govèrn de Sri Lanka a ordenat a sas principalas fòrças de seguretat que dobriscan lo fuòc contra totes los manifestants que causarián de damatges personals o perpetrarián d’actes de vandalisme contra de bens publics, en plena èrsa de manifestacions contra los dirigents del país.
De son latz, lo president del país, Gotabaya Rajapaksa, a cridat lo pòble a la calma. “Demandi a la populacion de manténer sa calma e d’arrestar la violéncia e las accions de revenge contra de ciutadans, independentament de lors filiacions politicas”, a dich sus Twitter.
Las protèstas antigovernamentalas en Sri Lanka s’arrèstan pas e mai aja demissionat lo primièr ministre, Mahinda Rajapaksa, fraire del president. De fach, las manifestacions an derivat en violéncias qu’an daissat almens sèt mòrts, dont un deputat. L’ÒNU a comptat environ 250 ferits.
De fach, lo president deguèt abandonar a l’escorsa son ostal dimars passat perque un grop de manifestants ensajavan d’i accedir dins la nuèch.
Los atacs contra los manifestants antigovernamentals son venguts plan polemics e las criticas contra lo govèrn e sos sòcis son nombrosas. Sri Lanka, una illa d’aperaquí 22 milions d’abitants, patís una crisi economica grèva, amb una penúria de combustibles fossils, de noiridura e de medicaments.
De son latz, lo president del país, Gotabaya Rajapaksa, a cridat lo pòble a la calma. “Demandi a la populacion de manténer sa calma e d’arrestar la violéncia e las accions de revenge contra de ciutadans, independentament de lors filiacions politicas”, a dich sus Twitter.
Las protèstas antigovernamentalas en Sri Lanka s’arrèstan pas e mai aja demissionat lo primièr ministre, Mahinda Rajapaksa, fraire del president. De fach, las manifestacions an derivat en violéncias qu’an daissat almens sèt mòrts, dont un deputat. L’ÒNU a comptat environ 250 ferits.
De fach, lo president deguèt abandonar a l’escorsa son ostal dimars passat perque un grop de manifestants ensajavan d’i accedir dins la nuèch.
Los atacs contra los manifestants antigovernamentals son venguts plan polemics e las criticas contra lo govèrn e sos sòcis son nombrosas. Sri Lanka, una illa d’aperaquí 22 milions d’abitants, patís una crisi economica grèva, amb una penúria de combustibles fossils, de noiridura e de medicaments.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo president a ordenat de dobrir lo fuòc contra los manifestants violents que respondiÁn a la violéncia sociala del governament : benvenguts en democracia modèrna !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari