Actualitats
Russia menaça Finlàndia, après qu’a anonciat que voliá jónher l’OTAN
Moscòu “se veirà obligada” de prene de “represalhas militarotecnicas e d’autras menas” per “metre fin a las menaças de seguretat sus son territòri”, çò ditz lo Kremlin
Finlàndia anoncièt dijòus passat que demandariá formalament de far partida de l’OTAN. Sul pic, Russia menacèt dirèctament Finlàndia de represalhas militaras. “Dins un comunicat del Ministèri dels Afars Estrangièrs, lo Kremlin ditz que l’adesion finlandesa a l’Aliança Atlantica provocariá de damatges grèus a las relacions bilateralas” e que Moscòu “se veirà obligada” de prene de “represalhas militarotecnicas e d’autras menas” per “metre fin a las menaças de seguretat sus son territòri”. “Helsinki a d’èsser conscient de la responsabilitat e de las consequéncias”, çò ditz lo comunicat. En mai d’aquò, lo Kremlin ditz que l’intrada de Finlàndia a l’OTAN violariá lo Tractat de Patz de París de 1947.
Dimècres, lo primièr ministre britanic, Boris Johnson, signèt un acòrdi militar amb Finlàndia e Suècia dins lo qual lo Reialme Unit s’engatja a defendre aqueles dos estats davant un ipotetic atac rus.
Segon los darrièrs sondatges, lo 68% dels finlandeses serián d’acòrdi per jónher l’OTAN, mai del doble qu’abans l’invasion d’Ucraïna. Solament lo 12% s’i opausarián.
Se l’adesion de Finlàndia fa fruch, los trenta païses membres de l’OTAN la deurián ratificar, çò que pòt perlongar lo procès d’entre quatre meses e un an, e mai s’estime qu’ara seriá fòrça mai rapid.
Dimècres, lo primièr ministre britanic, Boris Johnson, signèt un acòrdi militar amb Finlàndia e Suècia dins lo qual lo Reialme Unit s’engatja a defendre aqueles dos estats davant un ipotetic atac rus.
Segon los darrièrs sondatges, lo 68% dels finlandeses serián d’acòrdi per jónher l’OTAN, mai del doble qu’abans l’invasion d’Ucraïna. Solament lo 12% s’i opausarián.
Se l’adesion de Finlàndia fa fruch, los trenta païses membres de l’OTAN la deurián ratificar, çò que pòt perlongar lo procès d’entre quatre meses e un an, e mai s’estime qu’ara seriá fòrça mai rapid.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es Finlàndia, qu'es estat menaçada, pas Russia. Son las termièiras de Finlàndia que son potenciaument menaçadas. Es pr'amor d'aquò que jonhen l'OTAN. Russia es pas aqueth praube paisonet que subís tots los problèmas dau mond. Russia es ua superpoténcia dab intencions clarament irredentistas, qu'a ja anexat ua part de finlàndia, e avant finlàndia entèira, neu passat.
Me sembla particularament remarcable lo respècte fondamental de la sobeirania dels estats vesins de Russia, de la part del Kremlin… E se totes los païses europèus volon reptar jos la bòta americana a l'encòp, qué voldrà far Putin ? Erradicar tota vida sus tèrra ?
Cossi que siague, es mal-barrat, marca-mal se passèja !
Perqué far tant de provocacions conta Russia. Vòlon una guèrra mondiala o qué?
Los Eatats-unis e l'OTAN volan dominar Russia e an de las basas militarias tot alentorn de Russia.
Jamai los medias frances o internacionaus denonçan l'agression de l'occident o pus leu l'agression de las grandas fortunas contre Russia e lo reste dau monde. . L'òm a vist coma l'occident an transformat l'Irak e la Libia. Quò es la mesma guerra. Russia es acusada de voler gardar son independença. Fasam taire lo va-t-en guera de l'occident e auram la patz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari