capçalera campanha

Actualitats

InternacionalPoliticaSocietat

Las funeralhas de Shireen Abu Akleh atacadas per las fòrças de l’òrdre israelianas

De còps de matraca e de gases lacrimogèns sul taüc. Se detenguèt de mond per aver portat de bandièras palestinianas

| CCMA

Tèxte legit

Las funeralhas de la jornalista palestiniana e estatsunidenca d’Al Jazira, Shireen Abu Akleh, se tenguèron divendres passat e foguèron durament reprimidas per las fòrças israelianas, qu’ataquèron l’assisténcia amb de còps de matraca e de gases lacrimogèns en tot tustar quitament los que portavan lo taüc. La jornalista foguèt tuada d’una bala dins lo cap mentre qu’assabentava de las incursions de las tropas israelianas dins la vila de Janin. Segon d’informacions d’Al Jazira, l’armada israeliana detenguèt almens quatre personas qu’assistissián a las funeralhas, dont dos per aver portat de drapèls palestinians, çò que, segon lo mèdia, “es illegal dins la lei israeliana”.
 
De milièrs de palestinians participèron a las funeralhas, a Jerusalèm. Crestiana aràbia, la jornalista foguèt enterrada al cementèri protestant del mont Sion al costat de sos parents.
 
Las funeralhas avián començat dijòus a Ramallah, dins una ceremònia d’estat amb los onors. Lo còrs de Shireen Abu Akleh foguèt portat dijòus de Janin a Jerusalèm dins una procession qu’amassèt tanben de milièrs de personas.
 
Lo president palestinian, Mahmoud Abbas, anoncièt que l’Autoritat Palestiniana denonciariá lo cas d’Abu Akleh a la Cort Internacional de Justícia de l’Aia per far justícia a la veterana reportèra, que comencèt de trabalhar a Al Jazira en 1997 e èra un referent de la cadena. Lo murtre deliberat de jornalistas sul prat batalhièr es considerat coma un crime de guèrra segon lo drech internacional.

 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Gael
4.

Quin auria pensat qu encrosar un mort seria un acte de resistencia ?

  • 2
  • 0
Fòra-subject
3.

#2 Mas, macarel, quin puta rapòrt amb la repression israeliana de l'enterrament d'aquesta jornalista palestiniana assessinada ?

  • 12
  • 1
Mai Republica es abordida mai legiférís !
2.

#1
L'occitanisma es un mond clus e tampat :un mond d'esquèrra sens esvenidor que somia al passat, del temps ont enquèra se li balhava un agach, ara s'i torna virar l'esquina e de tot caire.

L'avetz ganhada la quincanèla !

  • 3
  • 15
Anastasia
1.

Impossibilitat totala de far lo mendre comentari sens passar lèu per un antisemita.

  • 6
  • 1

Escriu un comentari sus aqueste article