Un tribunal militar d’Argeria a condemnat a la pena capitala l’èx-militar e activista anticorrupcion Mohamed Benhalima, que denoncièt la corrupcion de l’armada dins sa cadena YouTube e que participèt al movement popular qu’en 2019 tombèt lo president Abd Al Aziz Butefliqa. Benhalima partiguèt en exili a l’estat espanhòl e demandèt la proteccion internacionala. Mas las autoritats espanhòlas l’extradiguèron devèrs Argeria. Ara, a l’atge de 32 ans, es condemnat a mòrt.
 
Benhalima demorèt 3 ans dins l’estat espanhòl. Durant aquel temps, Amnestia Internacionala intercediguèt per el e demandèt al govèrn espanhòl que l’extradiguèsse pas devèrs Algèria pr’amor que podiá subir de torturas en preson, coma s’es documentat que s’es passat amb d’autres activistas. Totun, lo Ministèri de l’Interior del govèrn de Pedro Sánchez n’aprovèt l’extradicion per adocir la crisi diplomatica entre aqueles dos estats a causa de la traïson espanhòla envèrs lo Sahara Occidental.
 
A l'ora d'ara, en Algèria i a una moratòria de las execucions de las penas capitalas, mas es una decision temporària e lo govèrn argerian pòt decidir que se reprengan a quin moment que siá. A mai, son entorn denóncia qu’es maltractat en preson.
 

Acto de protesta urgente de Amnistía València, durante un importante acto cultural, como reacción ante la condena a muerte de Mohamed Benhalima dictada por un Tribunal militar de Argelia tras ser deportado desde el CIE de València en marzo pic.twitter.com/5hNP3zr4bb

— Amnistia València (@AmnistiaVLC) May 13, 2022

 

Espanya va enviar el dissident algerià Mohamed Benhalima a la mort. https://t.co/Y6KE919sH4

— Josep Lluís Alay (@josepalay) May 13, 2022