Actualitats
Pensada Critica: lo Pimfloid e Felip Martèl desmitifican l’istòria dels catars
Lo Pimflòid parla amb Felip Martèl a prepaus de Napoleon Peyrat, lo grand istorian del catarisme
Dins lo darrièr episòdi de l’emission Pensada Critica, emesa sus Ràdio País, lo Pimflòid parla amb l’istorian Felip Martèl a prepaus de Napoleon Peyrat, pastor protestant del País de Pàmias, istorian del catarisme e escrivan, que foguèt un dels primièrs a emplegar lo mot “Occitània”. Prepausam en seguida la cronica del jornalista e l’àudio de l’emission.
P com Peyrat: ua entrevista dab Felip Martèl
Aqueth pastor protestant, nascut en País de Pàmias en 1809 e mort a Saint Germain en Laye en 1881, que publiquè Histoire des Albigeois (Istòria deus Albigés), ua òbra qui avó la soa importància dens la popularizacion de l’istòria de la crosada albigesa mes sus la quau l’istòria de uei s’acòrda a díser que i a hèra de causas faussas :
— E’s pòt considerar Napoleon Peyrat com un equivalent occitan de Jules Michelet?
— Quinas credenças presentas dens l’occitanisme a prepaus deus “catars” son en fèit invencions d’aqueste autor?
— Quinas credenças presentas dens l’espiritualitat new-age a prepaus deus “catars” son en fèit invencions d’aqueste autor?
— Las quaus vienen d’autas honts?
— Las quaus son consideradas faussas per l’istòria scientifica?
— E n’i a, au contrari, qui vienen de honts de l’epòca e poderén rebàter ua part de la realitat?
— Lo Sent Grasal, los castèths, lo laurèr qui reverdirà, lo boièr qui vien de laurar, Esclarmonda de Foish, la reïncarnacion… ?
Felip Martèl que’ns ajuda a i véder mei clar au delà deu noste pròpi roman nacionau.
Dens aquesta entrevista que s’exprimeish tanben sus l’istòria navèra de las eresias qui dobta de l’existéncia d’ua glèisa eretica en Occitània aus sègles XII e XIII.
Com de costuma, la reescota que’s hè suu soundcloud de Ràdio País.
Lo Pimflòid
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 E desmistificar lo revisionisme universitari actual, de mòda dins l'escòle d'Istòria dita "de France", aquò tanben fa fòrça ben a l'occitanisme !
#12 Quau ei lo rapòrt entre l'idea d'ua Occitania e la credença segon laquau los catars aurén possedit lo Sent Graal e l'aurén estujat a Montreal de Sòs après la presa de Montsegur?
I a un rapòrt entre l'idea d'Occitania e la credença segon laquau un catar (Bertran d'En Martí o Guilhèm Belibasta segon las versions) auré profetisat qu'un laurèr anava reverdir au cap de 700 ans e qu'aquò seré ua profecia?
Créder que catars an viscut dens l'actuau castèth de Montsegur on i avè tot de salas jos-terranas immensas en despièit de totas las analisis istoricas e geologicas deus sègles XX e XXI va vertaderament har de nosauts militants mei eficaç tà la lenga e/o la nacion occitanas?
E soi a parlar dab la medisha persona qui emplèga un pseudonim diferent despuish lo comentari #3?
Qu'èi dobtes...
Ceux qui détruisent les mythes fondateurs de l'Occitanie sont les idiots utiles de ceux qui promeuvent les mythes fondateurs de la France.
#10 Que l'èi entenut en Bearn. En Arièja qu'èi entenut "peluts" e en Lengadòc que m'aprenetz que n'i a qui disen "beatles" .
Mes qu'ei juste tà aver un pseudonim en fèit. N'ei pas tant important tà jo.
#9 Al nostre per dire un hippie o un pelut se disia "tè c'est un biteuls ! ". En clar un Beatles, d'aqui a dire qu'es un mot tipicament lengadocian coma vostra pimfloid, desformacion de Pink Floyd seria un mot tipicament gascon cal pas quichar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari